Gadadharapaddhati 4.p54
Gadādharapaddhati 4.p54
- Language
- Sanskrit
4.p54
suṇṭhīpippalīmarīcāni cikaṭu | harītakīvibhītakyāmalaya striphalā tathā | ubhayacāruṇodayakālavyāptau pūrvvatra snānam | catasro ghaṭikāḥ prātararuṇodaya ucyate | yatīnāṃ snānakālo'yaṃ gaṅgāmbhaḥsadṛśaḥ smṛtaḥ || triyāmāṃ rajanīṃ prāṅasyādyāntacatuṣṭayam | nāḍīnāṃ tadubhe sandhye divasādyantasaṃjñake || iti brahmavaivarttavākyena pūrvvasyāruṇodayakālasya paradināṅgatvokteḥ| etacca saptamīsnānaṃ nityaprātaḥsnānaṃ kṛtvā sandhyāttaḥ pūrvvaṃ punarmāghasnānaṃ kṛtvā sandhyāttaḥ pūrvvameva punaḥ kāryyam | etadvicāro vaiśākhamāse'nusandheyaḥ | atra koṇārkakṣetre viśeṣaphalam | brāhma,māghe māsi site pakṣe saptamyāṃ saṃyatendriyaḥ | kṛtopavāso yastatra gatvā tu makarālaye || kṛtaśauco viśuddhātmā smareddevaṃ divākaram | sāgare vidhivat snātvā sarvvaryyante samāhitaḥ || devānuṣīnmanuṣyāṃśca pitṛn santarpya ca dvijān | uttīryya vāsasī dhaute nirmale paridhāya ca || ācamya prayato bhūtvā tīre tasya mahodadheḥ | ityādi bahugrantheṣu sūryyapūjādimuktvā, sūryyagaṅgāmbhasi snātvā kuśairāsicya mūrddhani | sarvvapāpavinirmukto naro yāti triviṣṭapam || tathā, — yogaṃ vivasvataḥ prāpya tato mokṣamavāpnuyāt | atra vidhivākyāni brāhme draṣṭavyāni
Linked texts (5)
- Brahmavaivartapurāṇa — Vyāsa, Sanskrit
- Brahmapurāṇa — Vyāsa, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit
- Kāladīpa — Divyasiṃha Mahāpātra 1640, Sanskrit