Jayasimhakalpadruma 11.p6
Jayasīṃhakalpadruma 11.p6
- Language
- Sanskrit
11.p6
dite kāle māghaśuklacaturdaśīm | snātaḥ saṃtarpya tu yamaṃ sarvapāpaiḥ pramucyate |' iti | tarpaṇaprakārastu kārtikakṛṣṇacaturdaśyāmuktaḥ | iyamevāraṭantyākhyā caturdaśī | tatrānarkodaye snātvā yamaṃ saṃpūjya tasmai saptabhirnāmabhiḥ saptatilodakāñjalīndattvā tilahomādikaṃ kṛtvā pitṛbhyaḥ śrāddhaṃ dattvā brāhmaṇebhyaḥ kṛśarānnabhojanaṃ dattvā svayamapi kṛśarānnaṃ bhuñjīta | taduktaṃ nirṇayāmṛte brahmapurāṇe- ' māghakṛṣṇacaturdaśyāṃ viṣṇordehānmarīcayaḥ |' ityādinā ' tato vibhajya bandhubhyaḥ kṛśaraṃ bhojayetsvayam |' ityantena