Jayasimhakalpadruma 13.p5.3

13.p5.3

āgrayaṇe jaghanyaikadyāvāpṛthivyanurodhena mukhyanekendrāgnyādīnāṃ prasūyama niyamasādhakatayā dvādaśādhyāyoktasya kāṃsyabhojinyāyasya prakṛte'pi tulyatvāt | uktaṃ ca caturavattinaṃ pratyapi pākṣikapañcāvattānuṣṭhānaṃ kātyāyanena tasya dviravadyatitrirjāmadagnyānāṃ sarveṣāṃ cobhayavirodhāditi | vyākhyātaṃ caitatkakacāryairdeveyājñikaiśca | śākhāntare pañcāvattaṃ jamadagnīnāmityuktesteṣāṃ pañcāvattameva anyeṣāṃ caturavattaṃ pañcāvattaṃ veti| satyapyatrāvyavasthitavikalpaprasaktau jāmadagnyānujñayaiva jāmadagnyaṃ cāvattaṃ kuryāt | apyajāmadagnyo jāmadagnyamāmantrya pañcāvattaṃ kurvitityāpastambokteḥ | ata eva tanūnapānnarāśaṃsayoriva caturavattapañcāvattayorvyavasthābhāvāt ajāmadagnyānāṃ jāmadagnyaiḥ sahānadhikāraśaṅkā | etena “rājapurohitau sāyujyakāmau yajetām” iti vacanāt, 'kulāya yajña ivopākarmaṇi cotsarga' iti kārṣṇājinivacanādihāpi sahādhikāra iti tadubhayamapyabhuktavantamivetyupekṣaṇīyam | na ca kulāyadṛṣṭāntena samādhānamapyucitam | vasiṣṭhaśunakādigotrotpannena purohitena sahaiva rājñodhikāraṃ pratipādayato vacanasyopapattau satravatkulāyepi prayājagocarabhinnakalpāhīṇāṃ sahādhikārakalpanānupapatteḥ | somacamasaphalacamasārhatvena bhinnakalpayorviprakṣatriyayoḥ sahādhikārapratipādakājñayā cāsyādhikaraṇasya tulyakalpādhikaraṇāpavādatve saṃbhavatyālocayitumucitaṃ vidvadbhiriti | athātra kartavyamucyate | kārṣṇājiniḥ- 'upākarmaṇi cotsarge yathākālaṃ sametya tu | ṛṣīndadarbhamayānkṛtvā pūjayettarpayettataḥ |' iti |