Jayasimhakalpadruma 4.p102

4.p102

māghaśuklapañcamī śrīpañcamī | iyaṃ mādhavamate pūrvā hemādrimate parā | tatra madanaṃ saṃpūjya vasantotlavārambhaḥ kārya iti nirṇayāmṛte | ratikāmapūjanaṃ kāryamiti madanaratne | 'māghamāse nṛpaśreṣṭha śuklāyāṃ pañcamītiyau | ratikāmau ca saṃpūjya kartavyaḥ sumahotsavaḥ | dānāni ca pradeyāni tena tuṣyati mādhavaḥ |' iti purāṇasamuccayavacanāt | iyaṃ vasantapañcamīti bhaṭṭojidīkṣitāḥ | māghaśuklamanikṛtya tithitattve bhaviṣyottare‘caturthī varadā nāma tasyāṃ gaurī supūjitā | saubhāgyaṃ maṅgalaṃ kuryāttapañcamyāṃ śrīrapi śriyam |' hemādrau vārāhe-‘māghaśuklacaturthyāṃ tu varamārādhya ca śriyaḥ | pañcamyāṃ kundakusumaiḥ pūjāṃ kuryātsasamṛddhaye |' atha ratidhyānaṃ vīramitrodaye-‘śubhā ratiḥ prakartavyā vasantojjvalabhūṣaṇā | nṛtyamānā śubhā devī samastābharaṇairyutā | vīṇāvādanaśīlā ca madakarpūracarcitā |' iti ratidhyānam | atha manmathadhyānaṃ hemādrau--'kāmadevastu kartavyo rūpeṇāpratimo bhuvi | aṣṭabāhuḥ sa kartavyaḥ śaṃkhapadmavibhūṣaṇaḥ | cāpabāṇakaraścaiva madādañcitalocanaḥ | ratiḥ prītistathā śaktirmadaśaktistathojjvalā| catasrastasya kartavyāḥ patnyo rūpamanoharāḥ | catvāraśca karāstasya kāryā bhāryāstanopagāḥ | ketuśca makaraḥ kāryaḥ pañcabāṇamukho mahān |' iti | evamanyānyapi skandopavāsanāgapūjāvyatiriktapañcamīvratāni caturthīyuktapañcamyāmeva kāryāṇi iti siddham