Jayasimhakalpadruma 4.p28

4.p28

atha tṛtīyākṛtyāni | tatra caitraśuklatṛtīyāyāṃ śrīrāmacandradolotsavo rāmārcanacandrikāyāṃ gāruḍe-‘madhau śuklatṛtīyāyāṃ jānakīramaṇaṃ prabhum | rājopacāraiḥ saṃpūjya māsamāndolayetkalau | dakṣiṇābhimukhaṃ devaṃ ḍolamānaṃ sureśvaram | supūjitaṃ sakṛddṛṣṭvā sarvapāpaiḥ pramucyate | caitramāsi site pakṣe tṛtīyāyāṃ ramāpatim | dolārūḍhaṃ samabhyarcya māsamāndolayetkalau | dolārūḍhaṃ prapaśyanti ye kṛṣṇaṃ madhumādhave | aparādhasahasraistu muktāste nātra saṃśayaḥ | dolārūḍhasya devasya ye'gre kurvanti jāgaram | sarvapuṇyaphalāvāptirnimiṣe nimiṣe bhavet | 'nityaṃ caitat | ‘ūrje vrataṃ madhau dolā' iti vacanāt | dolānirmāṇaṃ caitramāsakṛtye bodhyam | iyameva gaurītṛtīyocyate | tatra muhūrtamātrāpi parayutā grāhyetyuktam | athāsyāmārabhyaṃ gaurīvratam | ‘gaurīvratamatho vakṣye sarvasaubhāgyavardhanam | caitraśuklatṛtīyāyāṃ gaurīvrataṃ samācaret | upoṣya tu prayatnena vidhānamidamācaret | raktāmbaradharo bhūtvā krodhalobhavivarjitaḥ | sthaṇḍile hastamātre tu kartavyaṃ gandhamaṇḍalam | kuṅkumendusuśītena vartulaṃ parivartayet |' induḥ karpūraṃ suśītaṃ candanam | 'tatra madhye pūjitavyā pratimā hemasaṃbhavā | madhujā tadabhāve tu purā kenāpi nirmitā| raktacandanajā vātha kartavyā sā pramāṇataḥ || pañcavṛttā'thavā pūjyā tatra māsaṃ vidhānataḥ