Jayasimhakalpadruma 4.p89
Jayasīṃhakalpadruma 4.p89
- Language
- Sanskrit
4.p89
vinivartya arghyaṃ dadyādyathā purā | tato homaṃ prakurvīta tilavrīhiyavaiḥ kramāt | sahastomāḥ sahetyevaṃ nāmamantraistu vā pṛthak |' mantraśca—“sahastomāḥ saha chandasa āvṛtaḥ saha pramā ṛṣayaḥ sapta daivyāḥ | pūrveṣāṃ panthāmanudṛśya dhīrā anvālebhire rathyo 3 na raśmīn|' ityādi | 'sapta gāvaśca dātavyā vastrālaṅkārasaṃyutāḥ | ācārya pūjayedbhaktyā vastrālaṅkārabhūṣaṇaiḥ | anujñayā guroḥ paścādbrāhmaṇebhyo nivedayet | prītibhāvasamāyuktā bhojayitvā yathāvidhi | anena vidhinā samyagvratametatsamācaret | sarvavrateṣu yatpuṇyaṃ sarvatīrtheṣu yatphalam | sarvadāneṣu datteṣu tadeva vratadhāriṇī |' iti ṛṣipañcamīvratakṛtyam