Jayasimhakalpadruma 4.p93

4.p93

athāśvinaśuklapañcamī | tatra śacīsahitānkuśamayānnāgānghṛtasahitaiḥ salilaiḥ dugdhena ca snāpayitvā saṃpūjya kṣīrasiktaṃ godhūmānnaivedyaṃ dadyāt | taduktaṃ hemādrau bhaviṣyottare-sumanturuvāca-'tathā cāśvayuje māsi pañcamyāṃ kurunandana | kṛtvā kuśamayānnāgānindrāṇyā saha pūjayet |' nāgāḥ-'anantaṃ vāsukiṃ śaṃkhaṃ padmaṃ kaṃbalameva ca| tathā karkoṭakaṃ nāgaṃ nāgamaśvataraṃ nṛpa| dhṛtarāṣṭraṃ śaṃkhapālaṃ kāliyaṃ takṣakaṃ tathā| piṅkalaṃ ca mahānāgaṃ māsi māsi kramādyajet |' iti tatraivoktāḥ | indrāṇīsvarūpaṃ granthāntare-'śacī dvibāhuḥ saṃtānamālāhastā gajāsthitā |' iti | 'ghṛtodakābhyāṃ payasā snāpayitvā viśāṃpate | godhūmaiḥ pāyasāsvinnabhakṣyaiśca vividhaistathā | dhyātvā ca vidhivannāgāñchucirbhaktyā samāhitāḥ | pūjayetkuruśārdūla tasya śeṣādayo nṛpa | nāgāḥ prītā bhavantīha śāntimāpnoti vai vibho | sa śāntilokamāsādya modate śāśvatīḥ samāḥ | yatrāyaṃ kathyate mantraḥ sadā viṣaniṣedhakaḥ |' 'oṃkuru kulyaṃ huṃphaṭ svāhā |' iti bhaviṣyatpurāṇoktaṃ śāntipañcamīvratam