Jayasimhakalpadruma 5.p32

5.p32

punararghyaṃ gṛhāṇedaṃ sapuṣpaṃ yātanāpaha |' iti | atra pūjopavāsajāgaraṇāni pradhānāni phalasaṃbandhāt | asminvrate upavāsajāgaraṇayoḥ pradhānayorahorātrasādhyatvenāhorātrayuktāṣṭamī grāhyā | ahorātravrataṃ yacceti smṛteḥ | yadā tu pūrvadine sāyāhne uttarasminnapi pradoṣe tulyā tadāpi pūrvaiva kṛṣṇapakṣagatatvātkālavyāptilābhācca-‘rudravrateṣu sarveṣu kartavyā saṃmukhī tithiḥ |' iti brahmavaivarttācca | dinadvaye'ṃśato rātrivyāptāvuttaraiva bhairavotpatteḥ pradoṣakālīnatvāditi kecit | tanna | śivarahasye madhyāhne bhairavotpatteḥ śravaṇāt | tathā ca tatraiva-‘nityayātrādikaṃ kṛtvā madhyāhne saṃsthite ravau |' ityupakramya brahmaṇā rudre jāte ityuktam | 'tadograrūpādanaghānmattaḥ śrīkālabhairavaḥ | āvirāsīttadā lokānbhīṣayannakhilānapi|' tasmānmadhyāhnavyāpinī grāhyetyapare | anye tvetadapi nādriyante | āvirbhāvakālavyāpinyāḥ kartavyatvenābhidhānāt | āvirbhāvo'pi madhyāhna eva śivarahasye 'madhyāhnottaraṃ kṛttivāseśvaraṃ prāpurdevā bilvādisādhanāḥ|' ityādinā madhye bahukṛtyābhidhānāt | ante sūryo'pyastamupāgamat ityabhidhānāt | tirthyarke tu sindhukārajyeṣṭhairuktaṃ bhairavasaṃnidhāvityukterjāgaragopavāsādikaṃ kāśyāmeva kartavyamiti tatpramāṇābhāvādupekṣyamiti, tadevopekṣyam|mārgaśīrṣasitāṣṭamyāmityutpattivākye kālabhairavasaṃnidhāvityasyopāttatvenāvivakṣitatve pramāṇābhāvāt | yattu nirṇayasindhau-mārgaśīrṣakṛṣṇāṣṭamī kālāṣṭamītyuktaṃ, tadrabhasāt | kālāṣṭamī bhādrakṛṣṇāṣṭamīti hemādryukteḥ | tallakṣaṇamapi tatraiva bhādrapadāṣṭamīprakaraṇe draṣṭavyam | iyamaṣṭamī lakṣmīkalpādiḥ