Jayasimhakalpadruma 8.p3.3

8.p3.3

tatrāpatyavināśaśca pretya narakaṃ vrajet' tathā 'daśamīśeṣasaṃyuktā gāndhāryā samupoṣitā | tasyāḥ putraśataṃ naṣṭaṃ tasmāttāṃ parivarjayet |' tathā 'ekādaśīmupavaseddvādaśīmatha vā punaḥ | vimiśrāṃ vāpi kurvīta na daśamyā yutāṃ kvacit |' ityevamādīni daśamīviddhāyāmekādaśyāmupavāsāniṣedhakāni brahmavaivartaviṣṇurahasyādivacanānitāni ṣyatvenoktā tadvyatiriktaviddhāviṣayāṇi | anyathā pūrvodāhṛtavacanavirodhaprasaṅgaḥ | yānyapi 'ekādaśīmupoṣyaiva dvādaśyāṃ pāraṇaṃ smṛtam | trayodaśyāṃ na tatkuryādvādaśadvādaśīkṣayāt |' tathā 'pāraṇaṃ tu na kartavyamupoṣyaikādaśīmiha | trayodaśyāṃ narairjātu nityaṃ dharmamabhīpsubhiḥ|' iti | tathā 'daśamyanugatā hanti dvādaśadvādaśīphalam | dharmāpatyadhanāyūṃṣi trayodaśyāṃ tu pāraṇam' ityādīni trayodaśyāṃ pāraṇaniṣedhakāni kūrmapurāṇaviṣṇurahasyādivacanāni-tānyapi yasyāṃ trayodaśyāṃ pāraṇābhyanujñānaṃ pūrvaṃ darśitaṃ tadvyatiriktaviṣayāṇi | pūrvodāhṛtavacanavirodhaprasaṅgāditi | tadevaṃ hemādrimadanaratnanirṇayā mṛtādyanusāreṇāṣṭādaśabhedānāṃ vyavasthoktā| mādhavakālatattvavivecanayostu- śuddhādhikādhikadvādaśikā, śuddhādhikānadhikadvādaśikā, śuddhānadhikānadhikadvādaśikā, śuddhānadhikādhikadvādaśikā ca, tathā viddhāpī tyaṣṭāveva bhedāḥ | atra pūrvoktāṣṭādaśabhedā apyantarbhavanti | tathā hi | śuddhānadhiketyatrānadhiketyanena sāmānyanyūnatvayoḥ saṃgrahācchuddhasamādhikadvādaśikāśuddhanyūnādhikadvādaśike saṃgṛhīte bhavataḥ | ādyabhedaḥ samānaḥ |