Madanaparijata 10.3.22

10.3.22

gomūtraṃ tāmravarṇāyāḥ śvetāyāścāpi gomayam
payaḥ kāñcanavarṇāyā nīlāyāśca tathā dadhi
ghṛtañca kṛṣṇavarṇāyāḥ sarvvaṃ kāpilameva vā
alābhe sarvvavarṇānāṃ pañcagavyeṣvayaṃ vidhiḥ
gomūtre māṣakāstvaṣṭau gomayasya tu ṣoḍaśa
kṣīrasya dvādaśa proktā dadhnastu daśa kīrttitāḥ
gomūtravaddhṛtasyeṣṭāstadarddhantu kuśodakam
gāyatryādāya gomūtraṃ gandhadvāreti† gomayam
āpyāyasveti‡ ca kṣīraṃ dadhikrāvṇeti§ vai dadhi
tejo'si śukramasyājyaṃ devasya tvā† kuśodakam
pañcagavyamṛcā pūtaṃ homayedagnisannidhau
saptapañcāsu ye darbhā acchinnāgrāḥ śukliṣaḥ
etairuddhṛtya hotavyaṃ pañcagavyaṃ yathāvidhi
irāvatī‡ idaṃ viṣṇu§rmānastokene¶ śaśvatīḥ
etābhiścaiva hotavyaṃ hutaśeṣaṃ pibedvijaḥ
praṇavena samāloḍya praṇavenābhimantrayet
praṇavena samuddhṛtya pibettatpraṇavena tu
madhyamena palāśasya padmapatreṇa vā pibet
svarṇapātreṇa tāmreṇa brahmatīrthena vā punaḥ
yattvagasthigataṃ pāpaṃ dehe tiṣṭhati mānave
brahmakūrcopavāsastu dahatyagnirivendhanam || iti
marīciḥ
devatāḥ sampravakṣyāmi ānupūrvyeṇa yasya yāḥ
varuṇo devatā mūtre gomaye havyavāhanaḥ
somaḥ kṣīre daghni vāyurghṛte ravirudāhṛtaḥ
gomūtraṃ tāmravarṇāyāḥ śvetāyāstvatha gomayam
payaḥ kāñcanavarṇāyāḥ nīlāyāstvathavā dadhi
ghṛtaṃ vai kṛṣṇavarṇāyāḥ vibhaktaṃ gavyapañcakam
udakaṃ sarvvavarṇasya† tasya varṇaṃ na gṛhyate
gomūtrasya palaṅgrāhyamaṅguṣṭhāgrantu gomayam
kṣīrasya tripalaṅgrāhyaṃ palamekaṃ kuśodakam
āpo hi ṣṭheti cāloḍya udyamya praṇavena tu
agnaye svāhā somāya svāhā idaṃ somāya irāvatī idaṃ