Madanaparijata 10.p1.8

10.p1.8

pañcatvaṃ tasya jānīyājjyeṣṭhaputrasya niścitam || iti
śrāddhamātraniṣiddhaṃ tanmātāmahavargaparityāgena kevalapitṛkaśrāddhaviṣayam
śrāddhaṃ naikasya vargasya trayodaśyāmupakramet
atṛptāstasya ye'pi syuḥ prajā hiṃsanti te'prajāḥ
iti kārṣṇājinismaraṇāt | kanyāgatāparapakṣacaturdaśyāṃ śāstravihitamārgeṇa mahāprasthānādibhirmṛtānāmekoddiṣṭaṃ śrāddhaṃ karttavyaṃ
nānyeṣām
tathāca brahmāṇḍapurāṇe
prāyonāśaka śastrāgniviṣodbandhaninastathā
caturddaśyāntu karttavyaṃ pitrarthamiha niścayaḥ
marīciḥ
viṣaśastraśvāpadāhitiryyagbrāhmaṇaghātinām
caturddaśyāṃ kriyā kāryyā anyeṣāntu vigarhitā
samatvamāgatasyāpi † pituḥ śastrahatasya tu
ekoddiṣṭantu karttavyaṃ caturddaśyāṃ mahānaye ‡ || iti
kāṅkṣanti putrapautrebhyaḥ pāyasaṃ madhusaṃyutam
tasmāttānatra vidhinā tarpayetpāyasena tu
madhvājyatilamiśreṇa tviti devīpurāṇavacanaṃ tu sākṣāttithyantarakarttavyatāṃ pratipādayati
āhaveṣu vipannānāṃ jalāgnibhṛgupātinām
caturdaśīṃ bhavetpūjā hyamāvāsyāntu kāmikī
iti | pūjā śrāddham | amāvāsyeti tithyantaropakṣaṇārtham
aparārke tatra caikasya śastrahatasya ekoddiṣṭavidhānaṃ na tu trayāṇāṃ
tathātve pārvvaṇamevetyanena granthena trayāṇāṃ śastrahatatve pārvvaṇamevetyabhihitam | smṛticandrikāyāmapi | ekasmin dvayorvaikoddiṣṭavidhiriti smārttavacanamupanyasyaikasmin dvayorvetyabhidhānāt
eṣu pitṛpitāmahaprapitāmaheṣu naikoddiṣṭamiti gamyata ityuktam
etaccintyaṃ tathā hi āhṛtya tāvadvacanaṃ nāsti triṣu mateṣu
pārvvaṇameva karttavyamiti | ekoddiṣṭaṃ karttavyamityetattu vacanaṃ