Maharnava (Vishveshvarabhatta) 2.p45.2

2.p45.2

ā vāta vāhi bheṣajaṃ vivāta vāhi yadrapaḥ tvaṃ hi viśvabheṣajo devānāṃ dūta īyase dvā vimau vātau vāta āsindhorāparāvataḥ dakṣaṃ me anya āvātu parānyo vātu yadrapaḥ | yadado vāta to gṛhe'mṛtasya nidhirhitaḥ | tato no dehi jīvase tato no dhehi bheṣajam tato no maha āvaha | vāta āvātu bheṣajaṃ śaṃ bhūrbhayo bhūno hṛde praṇa āyūṃṣi tāriṣit | indrasya gṛho'si taṃ tvā prapadye saguḥsāśvaḥ | saha yanme asti tena | bhūḥ prapadye bhuvaḥ prapadye suvaḥ prapadye bhūrbhuvaḥ suvaḥ prapadye vāyuṃ prapadye'nārtā devatāṃ prapadye'smānamākhaṇaṃ prapadye prajāpaterbrahmakośaṃ brahma prapadye oṃ prapadye | antarikṣaṃ ma ūrvantaraṃ bṛhadagnayaḥ parvatāśca yayā vātaḥ svastyā svastimāntayā svastyā svastimānasrāni | prāṇāpānau mṛtyormā pātaṃ prāṇāpānau māmāhāsiṣṭaṃ mayi medhāṃ mayi prajāṃ mayyagnistejo dadhātu mayi medhāṃ mayi prajāṃ mayīndra indriyaṃ dadhātu mayi medhāṃ mayi prajāṃ mayi sūryo bhrājo dadhātu | dyubhiraktubhiḥ paripātamasmānariṣṭebhiraśvinā saubhagebhiḥ | tanno mitro varuṇo māmahantāmaditiḥ sindhuḥ pṛthivī uta dyauḥ | kayā naścitra ābhuvadūtī sadāvṛdhaḥ sakhā kayā śaciṣṭhayā''vṛtā| kastvā satyo madānāṃ maṃhiṣṭho matsadandhasaḥ dṛḍhāṃcidāruje vasu | abhīṣuṇaḥ sakhīnāmavitā jaritṝṇām śataṃ bhavāsyūtibhiḥ | vayaḥ suparṇā upasedurindraṃ priyamaidhā ṛṣayo nāthamānāḥ apadhvāntamūrṇuhi pūrddhi cakṣurmumugdhyasmānnidhaye'vabaddhān | śanno devī rabhiṣṭaya āpo bhavantu pītaye śaṃyorabhīsravantu naḥ | īśānāvārthāṇāṃ kṣayantīścarṣaṇīnām apo yācāmi bheṣajam | sumitrā na āpa oṣadhayaḥ santu |