Maharnava (Vishveshvarabhatta) 8.p118

8.p118

atha krameṇa mantrāḥ | tatra bhasmasnānamantraḥ| “ īśānāya nama iti śirasi, tatpuruṣāya nama iti mukhe, aghorāya nama iti hṛdaye, vāmanāya nama iti guhye, sadyojātāya nama iti pādayoḥ, praṇavena sarvāṅge | ayamekaḥ prakāraḥ || prakārāntaraṃ tu “īśānaḥ sarvavidyānāmīśvaraḥ sarvabhūtānāṃ brahmādhipatirbrahmaṇo śivo me astu sadāśivo nama iti śirasi, tatpuruṣāya vidmahe mahāpuruṣāya dhīmahi tanno rudraḥ prayodayāditi mukhe, aghorebhyo'tha ghorebhyo ghoraghoratarebhyaḥ sarvebhyaḥ sarva sarvebhyo namastestu viśvarūpebhya iti hṛdaye, vāmadevāya namo jyeṣṭhāya namaḥ śreṣṭhāya namo rudrāya namaḥ kālāya namaḥ kālavikārāya namo balāya namo balapramathanāya namaḥ sarvabhūtadamanāya namo namo manmathāya nama iti guhye, sadyo jātaṃ prapadyāmi sadyojātāya vai namaḥ| bhave bhavenātibhave bhajasva māṃ bhavodbhavāya nama iti pādayoḥ, praṇavena sarvāṅge | athavā"gniriti bhasma jalamiti bhasma sthalamiti bhasma vyometi bhasma khaṃ ivā idaṃ bhasma " ityete mantrā grāhyāḥ| iti bhasmasnāne mantrāntarāṇi | iti bhasmasnānānantaraṃ gomayena snāyīta | tatra mantraḥ ‘mā nastoke tanaye mā na āyau mā no goṣu mā no aśveṣu rīriṣaḥ | vīrān mā no rudra bhāmito vadhī rhaviṣmantaḥ sadamit tvā havāmahe || (saṃ. 1, sū 114 maṃ 8) athavā ‘gandhadvārāṃ durādharṣāṃ nityapuṣṭāṃ karīṣiṇīm | īśvarīṃ sarvabhūtānāṃ tāmihopahvaye śriyam' apivā ‘agramagraṃ caraṃtīnāmamoṣadhīnāṃ rasaṃune | tāsāmṛṣabhapatnīnāṃ yavitraṃkāśayodhanaṃ | tanme rogāṃśca śokāṃśca nuda gomaya sarvadā || iti gomayasnāne vaikalpikā mantrāḥ| atha mṛdā snānam| tatra mantrāḥ “aśvakrānte rathakrānte viṣṇukrānte vasundhare śirasā dhārayiṣyāmi rakṣasva māṃ pade pade| bhūrnidhenurdhāriṇī lokadhāraṇī uddhṛtāsi varāheṇa kṛṣṇena śatabāhunā | mṛttike hara me pāpaṃ yanmayā duṣkṛtaṃ kṛtam | mṛttike brahmadattāsi kāśyapenābhimantritā| mṛttike dehi me puṣṭiṃ tvayi sarvaṃ pratiṣṭhitam| mṛttike pratiṣṭhite sarvaṃ tanme nirṇuda mṛttike| tvayā hatena pāpena gacchāmi paramāṃ gatim”| iti mṛttikāsnānamantraḥ| atha kevalaudakasnānamantrāḥ “'āpohiṣṭhe'ti tribhiḥ, athave ‘damāpa' iti kevalodakasnānam| atha pañcagavyasnānam | tatra gomūtragomayakṣīradadhighṛtānāṃ krameṇa marīcinā devatā darśitāḥ| “devatāḥ sampravakṣyāmi ānupūrvyeṇa yasya yāḥ| varuṇo devatā mūtre gomaye havyavāhanaḥ| somaḥ kṣīre dadhni vāyu ghṛte ravirudāhṛta” iti