Maharnava (Vishveshvarabhatta) 8.p42.2

8.p42.2

evamuddiśya tyāge kṛta idhdhamādāyājyabhāgau cakṣuṣī hutvā sūryādigrahānuddiśya homārthaṃ sampāditena samidādidravyeṇa pratigrahaṃ pratidravyaṃ daśadaśāhutīrhutvā adhidevatādīnuddiśya pratyekaṃ tisra stisra ekaikāṃ vā''hutīrhutvā catasṛbhirvyāhṛtibhiścatasra āhutīrhutvā paścāt pratigrahamaṣṭāviṃśatiraṣṭottaraśataṃ aṣṭottarasahasraṃ vā āvāhitakrameṇa homaḥ kāryaḥ || tatrāpi samidājyatilādaya iti kramaḥ || samidājyacarutilādaya iti vā || adhidevatādīnāmapradhānadevatātvāddhome nyūnasaṅkhyātvasvīkaraṇam || āsāṃ samidhaḥ pālāśya eva || matsyapurāṇe || kvacana yājñavalkyaśca || “arkaḥ pālāśaḥ khadirastvapāmārgo'tha pippalaḥ | udumbaraḥ śamī dūrvā kuśāśca samidhaḥ smṛtāḥ || ekaikasyāṣṭaśatamaṣṭāviṃśatirevavā | hotavyā madhukarpirbhyāṃ dadhnā caiva samanvitāḥ”|| anena vacanena madhvājyadadhno samidaṅgane samuccayovagamyate || yājñavalkyastu vikalpamāha || “hotavyā madhusarpirbhyāṃ dadhnā kṣīreṇa vā puna: ” || iti || smṛtipurāṇayo: smṛte: prābalyāt purāṇavākyasthaścaśabdo vāśabdārtho grāhya: || tathā madhvādīni samidaṅganena vikalpitāni || cintāmaṇau || “samidhaścātra kartavyā aṣṭottarasahasrakā: | aṣṭottaraśataṃ vātha aṣṭāviṃśatireva vā || samidhāṃ lakṣaṇaṃ vakṣye saṅkhyāmāsāṃ tathaiva ca | viśīrṇā vidalā hrasvā: vakrā: sasuṣirā: kṛśā: || atisthūlātidīrghāśca samidha: kāryanāśinī: | viśīrṇāṃsyu: kṣayaṃ kuryā dvidulā putranāśinī || suṣirā vyādhijananī kṛśāca ripuvarddhanī | dīrghā videśagamanī sthūlā cātmavināśanī || akṛśā susamā sthūlā sārdrā ca suplāśinī |