Nrisimhaprasada p133
Nṛsiṃhaprasāda p133
- Language
- Sanskrit
p133
tathāha manuḥ ( a0 5 0 126 ) - nityaṃ śuddhaḥ kāruhastaḥ paṇye yacca prasāritam | brahmacārigataṃ bhaikṣyaṃ nityaṃ medhyamiti sthitiḥ" iti | brahmacāripadaṃ bhikṣukānupalakṣayati, tathācāyamarthaḥ sampannaḥ-bhikṣusthitaṃ siddhānnaṃ rathyopasarpaṇopaghātenāśuddhaṃ na bhavatīti | tathā ca smaranti"apūpāḥ saktavo dhānāstakraṃ dadhi ghṛtaṃ payaḥ | etatpaṇyagataṃ bhojyaṃ bhāṇḍalepo na cedbhavet" iti | guruḥ"pādau śucī brāhmaṇānāmajāśvasya mukhaṃ śuci | gavāṃ pṛṣṭhāni medhyāni sarvagātrāṇi yoṣitām" || śaṅkhaḥ— “nārīṇāṃ caiva vatsānāṃ śakunīnāṃ śunāṃ mukham | ratau prassravaṇe vṛtte mṛgayāyāṃ sadā śuci” || tathā— “ākarāḥ śucayaḥ sarve śakuniḥ phalapātane | śvā mṛgagrahaṇe medhyaḥ strīmukheṣu ca vāruṇī” ti
Linked texts (5)
- Agnipurāṇa (Nag Publishers edition, Delhi) — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Nirṇayāmamṛta — Rāmacandra, Sanskrit
- Smṛtisāroddhāra — Nārāyaṇa, Sanskrit
- Cakranārāyaṇīyanibandha — Viśvambharatrivedin 1600, Sanskrit