Nrisimhaprasada p14

p14

śrīnṛsiṃhaṃ namaskṛtya dalādhīśamahīpatiḥ | śrāddhaprasādaṃ kurute sarvavaidikatuṣṭaye || likhyate paribhāṣā'tra prakriyā'nukrameṇa tu | śrāddhapraśaṃsā prathamaṃ devatānāṃ nirūpaṇam || tataḥ syādadhikārī hi śrāddheṣu vividheṣvapi | tato'parāhnanirṇotiḥ kriyate sarvasammatā || prasaṅgādāgataṃ kiñcid buddhisthatvānnirūpyate | pātraṃ nirūṣyate paścānniṣiddhānāṃ nirākṛtiḥ || tataḥ paraṃ tu kriyate śrāddhapākavinirṇayaḥ | pākayogyaṃ tato dravyaṃ tato nirṇīyate tataḥ || tacca ( tra ) bhakṣyamabhakṣyaṃ kimevaṃ ( sarvaṃ ) bhavati nirṇayaḥ | śākānāṃ nirṇayaḥ samyak bhakṣyābhakṣyatayā tataḥ || dravyaśuddhirataḥ śuddhirbhūmerādau nirūpyate | udakasya tataḥ śuddhirabhidheyā suvistṛtā || suvarṇarajatādīnāmucyate śuddhiruttamā | dravyarūpasya śākasya śuddhiḥ samyagihocyate || paścādannasya śuddhiśca vistareṇābhidhīyate | tataḥ paraṃ dravyaśuddhiḥ śuddhiḥ samyagihocyate || dhanadhānyaviśuddhiśca tataḥ paramihocyate | tato vastrādiśuddhiśca saviśeṣā nirūpyate || dehaśuddhirataḥ paścātsaviśeṣā nirūpyate | pārvaṇādivibhedena śrāddhabhedagnirūpaṇam || nityakāmyādibhedena saviśeṣaṃ tataḥ param | nirūpaṇañca kriyate bahusammatasammatam || śrāddhadeśā api tathā procyante hi viśeṣataḥ | tathā niṣiddhadeśānāṃ nirākaraṇamiṣyate || śrāddhakālāṃstato vakṣye tvaṣṭakāprabhṛtīṃstathā | kāmyān ravyādikālāṃśca vyatīpātāṃstathā parān || nirṇayate tataḥ śrāddhaṃ samyagāparapākṣikam | trayodaśīcaturdaśyoḥ śrāddhanirṇaya ucyate || varjyāḥ kālāstataḥ sarve'bhidhīyante viśeṣataḥ | āśaucottarakālaṃ tu śrāddhakarttavyatocyate || gandhadravyāṇi sarvāṇi nirṇīyante tataḥ param | dhūpāditnirṇayaḥ paścātsamyagevābhidhīyate || brāhmaṇāmiyamiyattā tu tataḥ paramihocyate | aneka śrāddhasampāte vaiśvadevikatantratā || nirūpyate suviśadā'nekagranthavilokatanāt | pādaprakṣālane rītiḥ saviśeṣā nirūpyate || śākhābhedena vai cārghyapātrādestatvanirṇayaḥ | saṅkalpe ca tathā bhedo mahānatra nirūpyate || agnaukaraṇakṛtye tu viśeṣaḥ samyagucyate | anekaramrutikārāṇāṃ sammataḥ śiṣṭasammataḥ || pṛthivītyādisaṅkalpaviśeṣaścābhidhīyate | piṇḍanirvapaṇaṃ paścātsamyagatra nirūpyate || anekān sunibandhāṃstu paryālocya prayatnataḥ | kārikāgṛhyavṛttyādigranthānāloḍya sarvaśaḥ || paddhatyādi yathābuddhi candraśekharanirmitam | catuḥśākhāsu vihitaṃ śrāddhakarma suvistṛtam || vedābhihitamārgasya rakṣaṇāyābhidhīyate | nityaśrāddhaprasaṅgena dalādhipamahībhujā' iti