Nrisimhaprasada p184.1

p184.1

udīcyaṃ vaiśvadevikaṃ maṇḍalamudakpravaṇaṃ dakṣiṇaṃ pitryaṃ maṇḍalaṃ dakṣiṇāpravaṇaṃ kartavyam | maṇḍalakaraṇānantaraṃ darbhasthāpanaṃ, tatra śambhuḥ"uttare'kṣatasaṃyuktān pūrvāgrān vinyasetkuśān | dakṣiṇe dakṣiṇāgrāṃstu satilān vinyased budhaḥ” iti | akṣatā yavā ityādi | tatra maṇḍalakaraṇaprabhṛtyāśrāddhasamāptervaiśvadevasambandhi karma pradakṣiṇaṃ yajñopavītinā kartavyam | pitṛsambandhi yatkarma tatsarvamapasavyaṃ prācīnāvītinā kāryam | tadāha baudhāyanaḥ"pradakṣiṇaṃ tu devānāṃ pitṝṇāmapradakṣiṇam | devānāmṛjavo darbhāḥ pitṝṇāṃ dviguṇāḥ smṛtāḥ” iti | tathā manurapi"prācīnāvītinā samyagapasavyamatandriṇā | pitryamānidhānātkāryaṃ vidhivaddarbhapāṇine"ti | tatra kātyāyano viśeṣamāha"dakṣiṇaṃ pātayejjānu devānparicaransadā | pātayeditarajjānu pitṝnparicaran sadā” iti | tato'pasavyavat pūrvamudīcyamaṇḍalaṃ gatvā dakṣiṇamaṇḍalamabhyarcya viprapādau kṣālayet | taduktaṃ matsyapurāṇe - "akṣatābhiḥ sapuṣpābhistadabhyarcyarcāpasavyavat | viprāṇāṃ kṣālayetpādāvabhivandya punaḥ punaḥ” iti | pādaprakṣālanaṃ ca viśvedevapūrvakam | “pādyaṃ caiva tathā cārghyaṃ daive ādau prayojayet | śanno devīti mantreṇa paścātpitre prayojayet” iti brahmāniruktavacanāt | tatra pādyādidānaṃ ca nāmagotroccāraṇapūrvakaṃ kāryaṃ tadāha matsyaḥ— “nāmagotraṃ pitṝṇāntu prāpakaṃ havyakavyayoḥ” iti | arcanaṃ ca devānāṃ pādaḥprabhṛti śiraḥparyantaṃ, pitṝṇāṃ śiraḥ prabhṛti pādaparyantamiti viśadayiṣyate agre | pādamakṣālanottaraṃ pūrvavadupaveśanam | tadāha manuḥ— “āsaneṣu ca kḷpteṣu barhiṣmatsu pṛthak pṛthak |