Nrisimhaprasada p187
Nṛsiṃhaprasāda p187
- Language
- Sanskrit
p187
yadyapi guruṇā pratiśrāddhaṃ dvayordvayornāmanī ukte tathāpi viśvedevā ityādimantreṣu bahuvacanaśravaṇāt pakṣāntare ca kāraṇādarśanāt teṣāmāvāhanādau bahuvacanameva nāmasaṅkīrttane jñeyam | tato'nantaraṃ taijasādibhājane kuśayugmāntarhite śanno devīrabhiṣṭaya ityanayarcā udakaṃ nikṣipya yavo'si dhānyarājo vetyādimantreṇa yavān , tato gandhapuṣpāṇi ca tūṣṇīmeva nikṣipya dhūpaṃ ca pradarśyanantaramarghya pātrāṃ pavitrāntarhiteṣu brāhmaṇahasteṣu yā divyā āpaḥ payasetyādimantreṇa viśve devā idaṃ cārghyam , ityarghyodakaṃ vinikṣipet | chandogāścat yavo'si somadevatyo gosavo devanirmitaḥ iti mantraṃ paṭheyuḥ | tathā ca yogiyājñavalkyaḥ"yadairabhyavakīryā'tha bhājane sapavitrake | śanno devyā payaḥ kṣiptvā yavo'sīti yavāṃstathā || yā divyā iti mantreṇa hasteṣvarghyaṃ vinikṣipet” iti
Linked texts (3)
- Agnipurāṇa (Nag Publishers edition, Delhi) — Sanskrit
- Yājñavalkyasmṛti — Yājñavalkya, Sanskrit
- Śrāddhakaumudī — Govindānanda 1500, Sanskrit