Nrisimhaprasada p204

p204

pracetāḥ"nānnapānaṃ prabhūtamiti brūyuranyatra hastasaṃjñayā tāmapi prabhūtaṃ gṛhītvotsṛjedi"ti | tathā"rucyā śūnyamannaṃ jātu bhuṅkte tvannaṃ vilokayet | pītvā cāpo na cāśnīyām patraṃ dattamagarhitam | sarvendriyāṇāṃ cāpalyaṃ pādacāpalyameva ca || dantacchedaṃ hastapānaṃ varjayeccātibhojanam” iti | hastapānamityasyāyamarthaḥ | pāṇināedakaṃ na pātavyamapi tu pātreṇaiveti | tataścāyaṃ niyamaḥ–bhojanamantareṇa hastenaiva pātavyaṃ na pātreṇa, bhojane tu pātreṇaiva na hasteneti | taduktaṃ caturviṃśatimate-“pratiṣiddhaṃ ca nāśnīyātpavitramapi vā ghṛtam | hastāhṛte'mbu nādyeta nāśnan pātrādṛte pivet’ iti viśeṣaḥ | “yastu pāṇitale bhuṅkte sa ca svāyuḥ samaśrute | aṅguliṃ noddharedyastu tulyaṃ gomāṃsabhakṣaṇam” iti | āyuṣā saha bhuṅkte iti yāvat | grāsasamaye tarjanyaṅgulyuddharaṇaṃ na kartavyam | niyukto na kiṃcitparivarjayet | hastasaṃjñayā niṣedhaḥ kartavyaḥ | “apṛṣṭho na bhuñjīta bahirjānu tathaiva ca | na hasan na vadan pātraṃ noddharejjānu pātayet | ubhayajānu na pātayet | dātrā idamalavaṇamidamīdṛśamiti pṛṣṭe'pi na vaktavyam | “śrāddhe niyukto bhuñjīte”tyadinobhayorniṣedhāt | vāśiṣṭhaśca-“havirguṇā na vaktavyā yāvanna pitṛtarpaṇam | tarpitaiḥ pitṛbhiḥ paścādvaktavyaṃ śobhanaṃ haviri”ti || svastivācanānantaraṃ vācyamityarthaḥ | apekṣitavastunivāraṇaṃ hastenaiva kāryaṃ na tu huṅkāreṇa | “huṅkāreṇāpi yo brūyā”dityādiniṣedhāt | bhojanamapi niḥśeṣaṃ na kāryam