Nrisimhaprasada p208

p208

pariveṣaṇaṃ ca savyenaiva“apasavyena yo dadyāt śrāddhārthamupakalpitam | kṛpaṇo mandabuddhistu na sa śrāddhaphalaṃ labhediti jamadagnivacanāt | atra viśeṣaḥ“apekṣitaṃ yācitavyaṃ śrāddhārthamupakalpitam | na yācate dvijo mūḍhaḥ sa bhavetpitṛghātakaḥ” || na cātra— "yo yācayati dātāraṃ brāhmaṇo jñānavarjitaḥ | pitarastasya kupyanti dāturbhokturna saṃśayaḥ || kṛcchradvādaśarātreṇa mucyate nātra saṃśayaḥ” ityādi vacanena virodha iti vācyam | tayoranupakalpitavastuviṣayatvāt | śaṅkhalikhitābhyāṃ tu upakalpitavastuno'pyanyanādhikasya dānapratigrahayorniṣiddhatvamuktam | tathāhi— "nātyantādhikaṃ dadyānna pratigṛhṇīyāt” iti| dātṛniyamo dṛśyatebrahmāṇḍe— "na cāśru pātayejjātu na śuktāṃ giramīrayet | na codvīkṣeta bhuñjānaṃ na ca kurvīta matsaram || na dīno nāpi vā kruddho na caivānyamanā naraḥ | ekāgramādhāya manaḥ śrāddhaṃ kuryātsadā budhaḥ" iti | atra viśeṣaḥ | bhojanopaviṣṭabrāhmaṇānāṃ sparśa parasparaṃ prāpte na bhojanaṃ parityājyaṃ kintu bhoktavyameva | bhojanottaraṃ ca gāyatryaṣṭaśataṃ japet | "śrāddhapaṅktau tu bhuñjāno brāhmaṇo brāhmaṇaṃ spṛśet | tadannamatyajan bhuktvā gāyatryaṣṭaśataṃ japet” iti śaṅkhasmaraṇāt | tatra viśeṣaḥ"aṅguṣṭhena vinā'śnāti mukhaśabdena vā punaḥ | pītāvaśiṣṭaṃ toyādi punaruddhṛtya vā pibet || khāditārdhaṃ punaḥ khādet modakāni phalāni ca | mukhena vā grasedannaṃ niṣṭhīvedbhojane'pi vā || na spṛśedāmahastena bhuñjāno'nnaṃ kadācana"