Nrisimhaprasada p40
Nṛsiṃhaprasāda p40
- Language
- Sanskrit
p40
kuḥ pṛthivī | gopatiḥ sūryaḥ| atra kecidvadanti–nanu “ekoddiṣṭaṃ tu madhyānhe” iti vacanāt ekoddiṣṭaviṣaya eva hi kutupakālavidhiḥ tacca darśe'pi kutupavidherapāstam | apare—kutupakālavidhānasya ekoddiṣṭaviṣayatāṃ manyante| "ekoddiṣṭantu madhyānhe" iti vacanāt | kecinnavaśrāddhaviṣayatāṃ manyante-"madhyānho vai manuṣyāṇāmi"ti śruteḥ| sapiṇḍīkaraṇātpūrvamapitṛrūpatvācca | idaṃ cāsmābhiḥ kālanirṇayasāre vistareṇa prapañcayiṣyate neha vistaraḥ | anyairapi vistareṇa prapañcitaṃ tadapi mṛgyam | na caivaṃ sarvakutupāparānhavidhyorvikalpa iti mantavyam | kutupottarārdhasya arthāparāhnāntarbhāvāt | kutupo hi pañcadaśamuhūrttātmakasyāṣṭamo muhūrtaḥ