Nrisimhaprasada p86

p86

"nālikā śaṇachatrākaṃ kusumbhālābuviṅbhavān | kumbhī-kaṃcuka-vṛntākaṃ kovidārāṃśca varjayet | tathā kālaprarūḍhāni puṣpāṇi ca phalāni ca | vikāravacca yat kiñcit prayatnena vivarjayet" iti || tathāca smṛtyantaram"bhaktāṃśca dadhinīpamātuliṅgāni varjayedi"ti | tathā bharadvājaḥ"naktoddhṛtaṃ tu yattoyaṃ palvalāmbu tathaiva ca | svalpāmbu kūṣmāṇḍaphalaṃ vajrakandaśca pippalī || tandulīyakaśākaṃ ca māhiṣaṃ ca payo dadhi | śaimbikāni karīrāṇi kovidāraṃ gavedhukam || kulatthaṃ śaṇajīrāṇi karambhāṇi tathaiva ca | abjādanyadraktapuṣpaṃ śigruḥ kṣārastathaiva ca || nīrasānyapi sarvāṇi bhakṣyabhojyāni yāni ca | etāni naiva deyāni sarvasmin śrāddhakarmaṇi || āvikaṃ mārgamauṣṭraṃ ca sarvamaikaśaphaṃ ca yat | māhiṣaṃ cāmaraṃ caiva payo varjyaṃ vijānate"ti || śaṅkhaḥ"kṛṣṇājājī viṭaṃ caiva śītapākī tathaiva ca | varjayellavaṇaṃ sarvaṃ tathā jambuphalāni ca || avadhutāvaruditaṃ tathā śrāddheṣu varjayet | kṛṣṇājājī kṛṣṇajīrakā, viṭaṃ viḍākhyaṃ lavaṇam | brahmāṇḍe"āsanārūḍhamannādyaṃ pādopahatameva ca | amedhyāntargataiḥ sṛṣṭaṃ śuṣkaṃ paryuṣitaṃ ca yat || dviḥ svinnaṃ paridagdhaṃ ca tathaivāgrāvalehitam