Prataparka 1.p563

1.p563

atha malamāse kāryākāryanirṇayaḥ– pariśiṣṭe malimlucastu māso vaimalinaḥ pāpasambhavaḥ garhitaḥ pitṛdevebhyaḥ sarvakarmasu taṃ tyajediti paiṭhīnasiḥ | śrautasmārttakriyāyāḥ sarvā dvādaśe māsi kīrttitāḥ | trayodaśe tu sarvāstāḥ niṣphalā iti kīrttitāḥ | “tasmāt trayodaśe māsi kuryāttānna kathañcana | kurvannanarthamevāśu kuryādātmavināśanamiti | atra yadyapi sādhāraṇyenaiva sarvakarmaṇāṃ niṣedhaḥ pratīyate, tathā4 hyāvaśyakānāṃ pratiprasavāt kāmyā nāvaśyakapara evaṃ saḥ | tathā ca prajāpatiḥ- “na kuryādadhike māsi kāmyaṃ karma kadācana |” smṛtyantare ca “iṣṭyādi sarvakāmyantu malamāse vivarjayed” iti | atra kāmyagrahaṇaṃ nityānāmapyānāvaśyakānāmulakṣaṇa tathā ca kāṭhakagṛho “male na nyagatiṃ kuryānnityaṃ naimittikīṃ kriyāmiti tādṛśāni nityāni kānicitpariśiṣṭe'nupalakṣaṇatayā5 darśitāni “avaṣaṭkārahomāśca parva cāgrayaṇantathā | malamāse'pi karttavyāḥ kāmyā iṣṭīvivarjayediti |”