Prataparka 14.p22

14.p22

mahālayatrayodaśīṃ prakṛtya paṭhitasya nāgarakhaṇḍastha niṣedhavākyasya prakaraṇānmahālayatrayodaśīviṣaya tvapratīteḥ | kecinnaṣedhavacasā kāmyaśrāddhaviṣayatvamāhuḥ | tadapi na kāmyaśrāddhasya vihitatvena nityaśrāddhasyeva kāmyaśrāddhasyāpi niṣedhānarhatvātputravatparyudāsasyobhayatrasaṃbhavācca | anye tu maghāyuktatrayodaśyāmiti pratāpamārttaṇḍasthabṛhatparāśaravacanādayanadvitaye śrāddhamiti pulastyavacanācca | sapiṇḍaka śrāddhavacanāni niṣedhaviṣayāṇi prāhuḥ | tadapi madyugādyantara vadihāpi sāmānyaniṣedhenaiva piṇḍatve siddhe niṣedhavaiyyarthyāpatteraputrasyāpi yugāditvaprayuktapiṇḍaniṣedhāvaśyambhāvena putravantaṃ prati viśeṣatastanniṣedhasya vaiyarthyācca | tasmātsaṃkrāntyupavāsādāvivihāpi putravataḥ śrāddhaparyu dāsānnai va putravatāśrāddhaṃ kāryam | śrāddhavidhiṃ vinaiva pitṛnuddiśya brāhmaṇebhyaḥ pāyasā canna dānamātraṃ kāryam | aputreṇa tu yugādiprayukta saṃkalpaśrāddhavidhinā piṇḍarahitaṃ śrāddhaṃ karttavyam