Prataparka 2.p23

Pratāpārka 2.p23

Language: Sanskrit

2.p23

tathā "manvādau ca yugādau ca grahaṇe candrasūryayoḥ | vyatīpāte vaidhṛtau ca tatkālavyāpinī kriyā" iti manvādiṣu snānadānaśrāddhādikriyāmanvādyādi kāla eva | karttavyā na kālāntara iti manvādāvityarthaḥ | yadā tvekaiva tithiḥ pūrvā grāhyetyekena vacanenocyate, uttarāgrāhyetyanyena tadā ' śuklapakṣe tithirgrāhyā yasyāmabhyudito raviḥ | kṛṣṇapakṣe tithirgrāhyā yasyāmastamito ravi" riti vacanaṃ vyavasthāpakamiti dik iti sāmānyataḥ sarvatithinirṇayaḥ

Previous: 2.p22
Next: 2.p24
Up: 2

Linked texts (1)

Jayasīṃhakalpadruma — Ratnākara 1688, Sanskrit