Prataparka 2.p31
Pratāpārka 2.p31
- Language
- Sanskrit
2.p31
grāhyaḥ | dvedhā vibhāgādayastu yatra kiñcid dyotakaṃ, tatraiva gṛhītavyāḥ | atrāpi trimuhūrttamityahnaḥ paṃcamabhāgopalakṣaṇam | ataścāhnāṃ hrāsavṛddhau na doṣaḥ | evaṃ sati yadānyataraiva madhyāhnottaradalavyāpinī tadekadeśasparśino vā tadā tasyāmeva karmakālavyāpterlabhātsaiva grāhyā | dinadvaye tadvyāptau yugmavākyānnirṇaya iti hemādriḥ | mādhavastu pūrve'hni gauṇamukhyakālavyāpteḥ sattvātpūrvaivetyāha idameva yuktam dinadvaye'pi madhyāhnottaradalavyāpyabhāve pūrvaiva gauṇakālavyāpteḥ sattvāt mukhyakāle tithyabhāve'pi caikabhaktānuṣṭhānaṃ tu mukhyakāla eva karttavyam