Prataparka 2.p36

2.p36

atrobhayavyāpinyāmevetyanvayaḥ | divārātrivyāpinyā alābhe pradoṣavyāpinyāṃ kāryamityuktam | pradoṣaśca sūryāstottaraṃ muhūrttatrayaṃ, "trimuhūrttaḥ pradoṣaḥ syād bhānāvastaṃgate sati | naktaṃ tatra tu karttavyamiti śāstraviniścayaḥ |" iti vyāsavacanāt | tatrāpi ghaṭikātrayamuttamaḥ kālaḥ ghaṭikāṣaṭkaṃ madhyamaḥ kālaḥ | etadevābhipretya vacanaṃ smaryaṃte | "pradoṣo'stamayādūrdhvaṃ ghaṭikātrayamiṣyate" iti trimuhūrtta: pradoṣaḥ syāditi ca niśīthaparyanto jaghanyaḥ kālaḥ naktaṃ akurvīta rātrāviti sāmānyenābhidhānāt kālatattvavivecanakārāstu mukhyakāle'pi trimuhūrttātmike-ādyaṃmuhūrttadvayaṃ mukhyataraṃ "niśānaktaṃ tu vijñeyaṃ yāmārddhe prathame sadā" iti smṛtyantarādityāhuḥ | dināntyamuhūrttastvanukalpaḥ "muhūrttī na dinaṃ naktaṃ pravadanti manīṣiṇaḥ | nakṣatradarśanānnaktamahaṃ manye gaṇādhipeti bhaviṣyatpurāṇe nakṣatradarśanottarapradoṣabhāgasya śivenāhaṃ manye iti svābhimatatvenānyasya ca paramatatvenābhidhānāt | mādhavena tvasya kāladvayasyādhikāribhedena vyavasthāmāha devalaḥ