Prataparka 2.p38

2.p38

antimamuhūrttapūrvabhāvyapi muhūrttadvayaṃ gauṇataraḥ kālaḥ | "pradoṣavyāpinī yatra trimuhūrttā divā yadi | tadā naktavrataṃ kuryāditi kūrmaṃpurāṇe tasyāpi naktakālatvenābhidhānāt yadyapi sāyaṃ sandhyātrighaṭikā astādupari bhāsyate" iti skānde daṇḍatrayasya saṃdhyātvokte statra ca catvārīmāni karmāṇi sandhyāyāṃ parivarjayet | āhāraṃ maithunaṃ nidrāṃ svādhyāyaṃ ca caturthakamiti bhojanaṃ niṣiddham | tathāpi niṣedhasya maithunādi samabhivyāhārādrāgaprāptabhojanagocaratvena vaidhrābādhakatvānnakṣatradarśanottarakṣaṇa eva bhojanaṃ kāryamiti kālatattvavivecana-mayūkha-madanaratnahemādrayādayaḥ