Prataparka 2.p66

2.p66

viṣṇudharmottare—"asakṛjjalpānaṃ ca divāsvāpa ca maithunam | tāmbūlacarvaṇaṃ māṃsaṃ varjayed vratavāsare ||” yattu kaiściduktaṃ - māṃsaniṣedhaḥ pāraṇādine pāraṇāntavrataṃ jñeyamityukteḥ na tu pradhānadine prasaktyabhāvāditi, tanna | tāmbūlamāṃsabhakṣaṇaniṣedhasyaikavākyopāttatvād vratadina eva nyāyyatvāt rāgaprasakteḥ sattvādvarjayetpāraṇe māṃsamiti pāraṇadine pṛthagniṣedhasya vaiyyarthyāpatteśca aśaktau tu devalaḥ"atyaye cāmbupāne ca nopavāsaḥ praṇaśyati ||” iti | atyaye prāṇatyaye | hemādrau "pravṛttamanyathā kuryādyadi mohātkathaṃcana | yatastadanyathābhūtaṃ tata eva samāpayet ||” pravṛttamārabdhaṃ anyathābhūtaṃ kramādyanyatvenayadvaiparītyamāpannam, "samāse yadi jānīyānmayetadayathākṛtam | kuryānnāvṛtti sarvakarmaṇaḥ |' etattu karmāsamā tāvanmathākaraṇajñānaviṣayaṃ “pradhānasyākriyā yatra sāṃgantat kriyate punaḥ | tadaṃgasyaṃ kriyāyāṃ tu nāvṛttirna ca tatkriyā ||” yatra pradhānasya karmaṇo'karaṇaṃ tatra sāṃgameva punaḥ karttavyaṃ, tadaṃgīkaraṇe tu na sāṃgapradhānā vṛttiḥ | nāti tāvanmātrasyāṃgasya karaṇaṃ kintu prāyaścittameva kāryam, gṛhītavratatyāge doṣa ukto madanaratne chāgaleyena 'pūrvavrataṃ gṛhītvā yo nācaretkāmamohitaḥ | jīvanbhavati cāṇḍālo mṛtaḥśvā cābhijāyate ||” iti | tattyāge prāyaścittamapyuktaṃ gāruḍe- "krodhātpramādāllobhādvā vratabhaṃgo