Prataparka 2.p81

2.p81

atha pratipadāditithinirṇayaḥ prastūyate | tatra nirṇayo nāma visandehajanakānāmityarthaḥ¹ | vipratipannānāṃ vākyānāṃ parasparaṃ virodhaparihāraḥ| tadeva tattvadarśanamucyate | taduktam-'tattve vipratipannānāṃ vākyānāmitaretaram| virodhaparihāro'tra nirṇayastattvadarśanam ||iti| tatra prathamaṃ pratipatsāmānyato nirṇīyate | asyāśca nāmaniruktirbhaviṣyottare-'tithīnāṃ pravarā yasmād brahmaṇā samudāhṛtā | pratipādyā pade pūrve pratipattena socyate ||" iti | tatra śuklapratipaḍupavāsātiriktadaivakarmasu paṃcadhā vibhaktadinacaturthabhāgāparāhnavyāpinī cettadā pūrvā grāhyā | pratipadyapyamāvasyeti yugmavākyāt śuklā syātpratipattithiḥ | prathamataścetsā'parāhne bhavediti dīpikokteśca | tadabhāve sāyāhnavyāpinī grāhyā | "tadabhāve tu sāyāhnavyāpinī parigṛhyatām |” itimādhavokteḥ madanaratne tu aparāhnottarakāle pravṛttāvuttaraviddhaiva grāhyā | pratipatsaṃmukhī kāryā yā bhavedāparāhnikīti skandapurāṇavacanādityuktam | madanaratne¹ kṛsnātu parākṛṣṇāttūttarato'khile' ti dīpikokteḥ kṛṣṇāpi pūrvaivetyanantabhaṭṭa iti | nirṇayasiṃdhau-upavāse tu śuklā kṛṣṇā vā pratipatpūrvaiva grāhyā |“pratipatpañcamī caiva upoṣyā pūrvasaṃyutā” iti jāvālivacanāt