Prataparka 2.p83

2.p83

pratipado1 ca "śukla pratipadi vatsarāmbhastatrodbyāpinī grāhyā | "caitre māsi jagadbrahmā sasarja prathame'hani | śuklapakṣaṃ samagraṃ tu tayā sūryodaye sati ||" iti hemādrau brāhmokteḥ dinadvaye tadvyāptaunāvyāptau vā pūrvaiva, "vatsarādau vasantādāvalirājye tathaiva ca | pūrvavidvaiva karttavyā pratipatsarvadā budhaiḥ ||' iti3 vasiṣṭhokteḥ |4 atra tailābhyaṅgo nityaḥ | "vatsarādau vasantādau balirājye tathaiva ca | tailābhyaṅgamakurvāṇo narakaṃ pratipadyate ||" iti vṛddhavasiṣṭhavacanāt |5 śakādi śravaṇamapyatroktaṃ jyotiḥśāstre- "śakavatsarabhūpamaṃtriṇāṃ, rasadhānyeśvarameghapatīnāṃ | śravaṇātpaṭhanācca vai nṛṇāṃ, śubhatāṃ yātyaśubhaṃ saha śriyā ||" iti caitrasya malamāsatve vatsarāmbhaprayuktaṃ kāryaṃ tatraiva kartavyam | tasyā eva saṃvatsarādyatithiścātraiva6 vatsarāmbhāditi sindhukṛtya ratnāvalyām | nirṇayasiṃdhukārādayo'pyevaṃ vidhā na pārijātakārādayaḥ |" "ṣaṣṭyātu divasairmāsaḥ kathito bādarāyaṇaiḥ | pūrvamarddha parityajya karttavyā cottare kriyā |" iti vākyena pūrvamāsīprakarttavyasyottaratra karttavyatābhidhānācchuddhacaitraśuklapratipadyeva tatkāryamiti mayūkhakāraḥ