Prataparka 3.p2

3.p2

etadvacanaṃ nirmūlamiti sarvvanibandhakārāḥ | tena pārvvaṇaśrāddhatvādatrāparāhnavyāpinī grāhyā | atra ca sapatnīkānāṃ mātāmahānāṃ devatātvaṃ 1amāvasyāśrāddhādyantargatamātāmahapārvvaṇavadihāpisatyapi pitṛpārvvaṇavikṛtitve sapatnīkatvaguṇalambhakasya pramāṇasya svabhartṛpiṇḍamātrebhyastṛptirāsāṃ yataḥ smṛtetyasyānena pratibandhāsaṃbhavāt | idaṃ malamāse na kāryaṃ "spaṣṭamāsaviśeṣākhyā vihitaṃ varjayenmalaḥ" iti niṣedhāt etajjīvatpitṛkeṇaiva kāryyamiti śiṣṭāḥ | idaṃ ca śiṣṭācārā tsapiṇḍakaṃ kāryyamiti kecit | piṇḍarahitaṃ tu yuktaṃ jīvatpitṛkasya"muṇḍanaṃ piṇḍadānaṃ ca pretakarma ca sarvaśaḥ | na jīvatpitṛkaḥ kuryādgarbhiṇī patireva ca || iti dakṣeṇa piṇḍaniṣedhādānvaṣṭakyavadviśeṣavacanābhāvācca piṇḍadānarahitaṃ kāryyamitikecit | anye tu na jīvatpitṛkaṃ prati piṇḍadānamātramanena niṣidhyate | kintu"darśaśrāddhaṃ gayāśrāddhaṃ śrāddhaṃ cāparapākṣikam | na jīvatpitṛkaḥ kuryyāttilaiḥ kṛṣṇaiśca tarpaṇam ||" iti pitryaṃ jīvatpiturneṣṭamityādivacanaikavākyatayā śrāddhameva niṣidhyate | evaṃ ca tatra viśeṣavacanaprāptaṃ śrāddhaṃ sapiṇḍameva bhavatītyāhuḥ | asyāmeva pratipadi śarannavarātrārambhaḥ | hemādraudhaumyaḥ- "āśvine māsi śukle tu karttavyaṃ navarātrakam | pratipadādikrameṇaiva yāvacca navamī bhavet