Prataparka 4.p19
Pratāpārka 4.p19
- Language
- Sanskrit
4.p19
sa ca navarātraśabdaḥ kvacillakṣaṇayā karmavāco, yathā prāraṃbho navarātrasyetyatreti dik | tithihrāse taṃtreṇopavāsastithidvayanimittaṃ pūjādimahālayaśrāddhavadekadine āvṛttyā kāryam | vṛddhau tadvadevāvṛttiriti nirṇayasindhau | evamaṣṭamīnāvamyorapi ekakāla karttavyatvenopavāsavatpūjāpi taṃtreṇa kāryeti kālatattvavivecane | atropavāsādi bahukarmābhidhāne'pi pradhānaṃ devīpūjanameva | tatra tu¹ pūjāyā eva phalasambandhaśravaṇāt