Prataparka 7.p18

7.p18

sā ca skandavratātirikteṣu sarveṣūpavāsavratādiṣu saptamīviddhāgrāhyā ṣaṇmunyoriti yugmavākyātekādaśyaṣṭamī ṣaṣṭhī paurṇamāsī caturdaśī| amāvasyā tṛtīyā ca tā upodhyāḥ parānvitā || iti viṣṇudharmottarācca skānde'pi"nāgaviddhā na karttavyā ṣaṣṭhī caiva kadācana | saptamīsaṃyutā kāryā, ṣaṣṭhī dharmārthacintakaiḥ || iti paṃcamīvedhaścātra na sāmānyarupastrimuhūrttātmiko niṣedhaprayojakaḥ kiṃtu ṣaṇmuhūrttātmakaḥ nāgo dvādaśanāḍibhirdū ṣayatyuttarāṃ tithi" miti skaṃdapurāṇavacanāt| tena ṣaṇmuhūrttaṃ nyūnapaṃcamīyoge paradine ca saptamīviddhaṣaṣṭhyabhāve pūrveva | skaṃdavrataṃ tu"kṛṣṇāṣṭamī skandaṣaṣṭhī śivarātriścaturdaśī | etāḥ pūrvayutāḥ kāryāstithyante pāraṇaṃ bhavet ||” iti prāpte paṃcamīyutāyā vidhānāt ṣaṇmuhūrttapaṃcamīyutāyāmapi ṣaṣṭhyāṃ pūrvasyāmeva kāryam | nāgo dvādaśanāḍībhirityasya yatra niṣedhastatraiva nāḍīviśeṣaniyamanārthatvātsarvaṣaṣṭhyāṃ ravivārayoge lolārkayātroktā | kāśīkhaṇḍe"kṛtāni yāni pāpāni naraiḥ saṃvatsarādapi | naśyanti kṣaṇātastāni ṣaṣṭhyarke loladarśanāt || lolārkaḥ vārṣikātrāpyuktā, tatraiva"mārgaśīrṣasya saptamyāṃ ṣaṣṭhyāṃ vā ravivāsare | vidhāya vārṣikīṃ yātrāṃ naraḥ pāpātpramucyate ||” iti