Prataparka 8.p101

8.p101

tena nātra trimuhūrttātmakavedhaḥ, kintu kalāmātratmako'pi nirṇaṃyasiṃdhāvapi ghaṭikāmātrāyaudayikī grāhyā | vratopavāsaniyame ghaṭikaikāpi yā bhavediti devaloktaṃ rityuktam | gauḍā apyevam | iyaṃ ca bhaume'tipraśastā | tathā ca madanaratne smṛtyantare – ' aṣṭamyāmandite sūrye dinānte navamī bhavet | kujavāro bhavettatra pūjanīyā prayatnataḥ |, iti | iyaṃ mūlanakṣatreṇa pūrvāṣāḍhānakṣatreṇa vā yuktā mahānavamītyucyate | "aśvayukśuklapakṣe tu yā'ṣṭamī mūlasaṃyutā | pūrveyā''ṣāḍhayā vāpi ṛkṣadvayayutāthavā || sā mahānavamī nāma trailokye'pi sudurlabhe" | ti hemādrau skāndāt | devīpurāṇe tu kevalāṣṭamī navamī ca mahāpūrvoktā "prāvṛṭkāle viśeṣeṇa āśvine hyaṣṭamī dine | mahāśabdo navamyāṃ ca loke khyāti gamiṣyatī" ti mūlanakṣatrayuktā'pi saptamoleśasahitā tyājyaivetyuktaṃ nirṇayāmṛte durgotsave | "mūlenāpi hi saṃyuktā sadā tyājyāṣṭamī budhaiḥ | leśamātreṇa saptamyā api syādyadi dūṣitā || iti | tathā mūlapūrvāṣāḍhayoreva pūjā praśastā | uttarāṣāḍhāyāṃ tu niṣiddhā | taduktaṃ nirṇayāmṛte rūpanārāyaṇīye"mūle na pūjayeddevīṃ tathā saliladaivataiḥ | vaiśvadeve tu nakṣatre pūjitā duḥ2khitā bhavet ||" iti uttarāṣāḍhāniṣedhaśca sati sambhave jñeyaḥ | taduktaṃ durgotsave"mūlābhāve tu karttavyā aṣṭamī saṃyutaiva sā | viśvayuktāpi karttavyā aṣṭamī navamī yutā ||" iti | atra kālatattvavivecanakārāḥ-"atra pūrvoktaṃ viśeṣavacanairgaurīttṛtīyādivatkarmakālavyāptiśāstraṃ bādhitvā navamīyutāyāmeva rātrau ca3 satyāmapyaṣṭamyāṃ navamīpūjayā saha taṃtreṇāṣṭamī pūjocitā' | ataeva kāmarūpīyādi nibandheṣu vacanam-