Prataparka 8.p71

8.p71

māsi bhādrapade bhavet | dūrvāṣṭamo tu sā jñeyā" iti | atra strīṇāmevādhikāro na puṃsām | "yā na pūjayate dūrvāṃ mohādiha yathāvidhiḥ | janmāni trīṇi vaidhavyaṃ labhate nātra saṃśayaḥ || tasmātsaṃpūjanīyā sā prativarṣaṃ vadhūjanaiḥ ||" iti purāṇasamuccayavacanāt | ataeva nityamapodaṃ vrataṃ rohiṇasaṃjñakadinanavamamuhūrttavyāpinyāṃ jeṣṭhāmūlavivarjitāyāmaṣṭamyāṃ kāryam | 'muhūrtte rohiṇe'ṣṭamyāṃ pūrvā vā yadi vā parā | dūrvāṣṭamī tu sā jñeyā jyeṣṭhāṃ mūlaṃ vivarjayet ||" iti vacanāt | atra ca jyeṣṭhāmūlavivarjitāyāḥ paradina eva rohiṇī vyāptau parā grāhyā | dinadvaye tadvyāptitadavyāptyoḥ pūrvadine ca jyeṣṭhāmūlayutāyāṃ paraiva grāhyā | dinadvaye'pi niṣiddhayogarahitāyāstadvyāptau tadavyāptau tadekadeśavyāptau vā pūrvaiva grāhyā | "śrāvaṇī durgānavamī dūrvā caiva hutāśanī | pūrvaviddhā prakarttavyā śivarātrivaledinam ||" iti bṛhadyamavākye dūrvāṣṭamyāḥ pūrvaviddhatvaniyamāt-yadā tu pūrvadine rauhiṇavyāpinyapi niṣiddhanakṣatrayoginī paradine tādṛśanakṣatrayogarahitāpi rohiṇasaṃspaśinī tadā "yāṃtithi samanuprāpya' ityādyāgrya hā kalpamādāya paradina eva rauhiṇamuhūrtte etadvrataṃ strībhiranuṣṭheyam | "aindrarkṣe pūjitā dūrvā hantyapatyāni nānyathā | bhartu rāyurharenmūle tasmāttāṃ parivarjayet ||" iti niṣedhasya gaurograte dvitīyāvedhasyevānullaṃghyatvāt | tathā kanyārke'gastyodaye ca nedaṃ vrataṃ strībhiḥ kāryam | 'śuklā bhādrapade māsi dūrvāsaṃjñā tathāṣṭamī | siṃhārke eva karttavyā na kanyārke kadācana || siṃhasthe cottamā sūrye'nudite munisattama ||" iti madanaratne skāndāt