Prataparka 8.p93
Pratāpārka 8.p93
- Language
- Sanskrit
8.p93
sā mahālakṣmīvratasamāpane candrodayavyāpinī grāhyā | tatkāle candrārghyādividhānena caṃdrodayavrate caiva tithistātkālikī smṛteti vacanāt dinadvaye caṃdrodayasattve'sattve vā— kṛṣṇāpakṣe'ṣṭamī caiveti vacanātpūrvā | yadyuttaradine caṃdrodayottaraṃ trimuhūrttā tadottaraiva || "pūrvā vā'paraviddhā vā grāhyā candrodaye sadā | trimuhūrttā'pi sā pūjyā parataścordhvagāminī ||" iti madanaratnādyudāhṛtavacanāt | atra candrodayādūrdhvagāminī trimuhūrttā cettadā parato'pi pūjyeti navamīviddhāyāḥ pratiprasavo vidhīyate | na cetpūrvaivetyarthāduktaṃ bhavati | samāptaprathamārabdhasya ṣoḍaśadine samāptiḥ doṣacatuṣṭayarahitāyāmaṣṭamyāṃ kāryā | taduktaṃ nirṇayāmṛte purāṇasamuccaye— "pūjanīyā gṛhasthena aṣṭamī prāvṛṣi śriyaḥ| doṣaiścaturbhiḥ saṃtyaktā sarvasampatkārī tithiri"||ti