Smriticandrika 14.p35
Smṛticandrikā 14.p35
- Language
- Sanskrit
14.p35
iti | pūrvaparigrahe pūrvajanmani dehaparigrahāvasare | yadyapi 'trīṇi ha vai yajñasyodarāṇi gāyatrī bṛhatyanuṣṭup, atra hyevāvapanti, ata evodvapanti' ityatra vartamānāpadeśatayā'rthavādasvarūpe vākye'rthavādatvanirvāhārthaṃ gāyatryādiṣvāvāpodvāpavidhikalpanavadatrāpi nindārthavādarūpe vākye niṣedhavidhiḥ kalpyate | tathā'pi pākṣika evāyamapi pratiṣedha iti na mārkaṇḍeyavacanaṃ nirviṣayam, kintvāniṣiddhapuṣpāntarālābhaviṣayam | pratiṣedhavacanadvayaṃ tu tallābhaviṣayamiti mantavyam | matsyopi varjyānāha-