Smriticandrika 18.p1
Smṛticandrikā 18.p1
- Language
- Sanskrit
18.p1
tatra manuḥpiṇḍanirvapaṇaṃ kecit purastādeva kurvate | iti | brāhmaṇabhojanātpurastāt teṣāmarcanānantaraṃ agnaukaraṇānantaraṃ vā piṇḍanirvapaṇaṃ kecitkurvata ityarthaḥ | evameva smṛtyantareṣu bhojanātpurastātpiṇḍanirvapaṇasya kāladvayadarśanāt | keciditivacanādapare brāhmaṇabhojanātparastādācamanātprāgūrdhvaṃ vā (brāhmaṇavisarjanādūrdhvaṃ vā) piṇḍanirvapaṇaṃ kurvata ityavagamyate | smṛtyantareṣu brāhmaṇabhojanādūrdhvameva kāladvayadarśanāt | atra yathāsvaśākhaṃ vyavasthā | tathāca smṛtyantaram -munibhirbhinnakāleṣu piṇḍadānaṃ tu yatsmṛtam | tatsvaśākhāmataṃ yatra tatra kuryādvicakṣaṇaḥ || tat bhinnakāleṣu smṛtaṃ piṇḍadānaṃ yasmin kāle kṛtaṃ svaśākhāyāmanumataṃ anugṛhītaṃ bhavati tasmin kāle kuryādityarthaḥ