Smriticandrika 25.p1

25.p1

daivādatītakālaṃ cedatīte sūtake bhavet || iti | śrāddhametadāmadravyeṇa kāryam | yadāha pracetāḥ— strī śūdrassvapacaścaiva jātakarmaṇi vā'pyatha | āmaśrāddhaṃ tathā kuryādvidhinā pārvaṇena tu || iti | svapacassvayaṃpaca ityarthaḥ | satyavrato'pi— 'putrajanmani nābhikartanātpūrvaṃ kṛtajātakarmā śrāddhaṃ kuryāt' iti | yatpunarvyāsenoktaṃ— dravyābhāve dvijābhāve pravāse putrajanmani | hemaśrāddhaṃ prakurvīta yasya bhāryā rajasvalā || iti | tadāmadravyābhāve draṣṭavyam | ato'sya hīnatvādvravyamatra bhojyaṃ vivakṣyate | dvijaḥ bhoktā | ādipurāṇe tu jātaśrāddhe pakvānnaniṣedho darśitaḥ— jātaśrāddhe na dadyādvai pakvānnaṃ brāhmaṇeṣvāpi | yasmāccāndrayaṇācchuddhisteṣāṃ bhavati nānyathā || iti | kumārajanmadinaṃ prakṛtyāha hārītaḥ— 'jāte kumāre pitṝṇāmāmodātpuṇyaṃ tadahaḥ'