Smriticandrika 79.p31

79.p31

gopracāra...................brahmaprakalpitāḥ | teṣu saṃsaktamātreṣu pitaro mokṣamāpnuyuḥ || eko hṛṣistu pravarāgrahasta āmreṣu madhye salilaṃ dadāti | āmrāśca siktāḥ pitaraśca tṛptā ekā kriyā dvayarthakarī babhūva || yā sā vaitaraṇī nāma nadī trailokyaviśrutā | sā'vatīrṇā mahābhāgā pitṝṇāṃ tāraṇāya vai || tatra gatvā naraḥ snātvā godānaṃ prakaroti yaḥ | ekaviṃśativaṃśyānvau tārayennātra saṃśayaḥ || mahānadī brahmasaro'kṣayo vaṭaḥ prabhāsamudyantamatho gayāśiraḥ| sarasvatī dhenukadharmapṛṣṭhe ete kurukṣetrasamā gayāyām || yadi putro gayāṃ gacchedvakadācitkālaparyayāt | tāneva bhojayedviprān brahmaṇā ye prakalpitāḥ || yeṣāṃ brahmasadaḥ sthānaṃ¹ somapānaṃ tathaiva ca | brahmakalpitasaṃskārāḥ viprā brahmasamāḥ smṛtāḥ || vāso dehaparityāgo gayāyāṃ tu vidhīyate | śrāddhaṃ piṇḍodake caiva gayāyāṃ parikīrtitam || yaḥ karoti vṛṣotsargaṃ gayākṣetre hyanuttame | agniṣṭomasa maṃ puṇyaṃ labhate nātra saṃśayaḥ || tatkūpayūpayormadhye piṇḍaṃ dadyānmahītale | kūpodakena tatkṛtvā pitṛṇāṃ dattamakṣayaṃ || brahmaṇā sadasi brāhme yūpaḥ puṇyaḥ prakalpitaḥ | yūpaṃ pradakṣiṇīkṛtya vājapeyaphalaṃ labhet || nāmnā kanakanandeti tīrthaṃ cātipavitrakam || udīcyāṃ muṇḍapṛṣṭhasya brahmarṣigaṇasevitam | tatra snātvā divaṃ yānti svaśarīreṇa mānavāḥ || dattaṃ cāpi sadā śrāddhamakṣayaṃ samudāhṛtam | tatra puṣkariṇī ramyā suṣumnā nāma nāmataḥ || snātvā ṛṇatrayāttatra mucyate kṣīṇakalmaṣaḥ | śrāddhaṃ bhavati cānantaṃ tatra dattaṃ mahodayam || tārayecca sadāśrāddhī daśa pūrvān daśāparān || mānase sarasi snātvā śrāddhaṃ nirvartayettataḥ