Smritikaustubha 12.11.14

12.11.14

ca dattvā giraye balidānaṃ kāryam | tataḥ śaratpuṣpādibhirgavāmalaṅkāraṃ kṛtvā bhuktavadbhiḥ svalaṃkṛtaiḥ svanuliptaiḥ suvāsobhirgobrāhmaṇahomāgnigirīṇāṃ pradakṣiṇāṃ kurvadbhistathā gobhiḥ saha pradakṣiṇā
kāryā yathā gobhirapi pradakṣiṇā brāhmaṇādīnāṃ kṛtā bhavatīti
tataḥ śrīkṛṣṇārpaṇaṃ kāryam | ityannakūtotsavaḥ
atraiva dine'parāhne pūrvasyāṃ diśi mārgapālībandhanādyuktaṃ
nirṇayāmṛte—mārgapālīṃ prabadhnīyāttuṅge stambhe'tha pādape | kuśakāśamayīṃ divyāṃ lambakairbahubhirmune | kṛte home dvijendraistu badhnīyānmārgapālikām | namaskāraṃ tataḥ kuryānmantreṇānena suvrata
mārgapāli namaste'stu sarvalokasukhaprade | vidheyaiḥ putradārādyaiḥ
punarehi vratasya me | iti |—nīrājanaṃ ca tatraiva kāryaṃ rāṣṭrajayapradam | mārgapālīsalenātha yānti gāvo gajā vṛṣāḥ | rājāno
rājaputrāśca brāhmaṇāḥ śūdrajātayaḥ | mārgapālīṃ samullaṅghya nīrujaḥ
syuḥ sukhānvitāḥ | iti
atra rājño yaṣṭikākarṣaṇamuktamādityapurāṇe-kuśakāśamayīṃ kuryādyaṣṭikāṃ sudṛḍhāṃ navām | tāmekato rājaputrā hīnavarṇāstathānyataḥ | gṛhītvā karṣayeyurvai yathācāraṃ muhurmuhuḥ | jaye
ca hīnajātīnāṃ jayo rājñastu vatsaram | jayacihnamidaṃ rājā
vidadhīta prayatnataḥ | iti | sarvasādhāraṇaṃ kāryāntaramapi tatraivatasmāddyūtaṃ prakartavyaṃ prabhāte tatra mānavaiḥ | tasmindyute jayo yasya
tasya saṃvatsaraṃ śubham | parājaye viruddhaṃ tu labdhanāśastato
bhavet | śrotavyaṃ gītavādyādi svanuliptaiḥ svalaṃkṛtaiḥ | viśecca
bhavanaṃ svīyaṃ praśastairbāndhavaiḥ saha | tasyāṃ niśāyāṃ kartavyaṃ