Smritikaustubha 4.p1.1

4.p1.1

atha parvanirṇayaḥ | tatra iṣṭyaṅgatvena parvapratipatsaṃdhistāvacchrutyā vihitaḥ saṃdhau yajeteti | tatra saṃdhikālasya durlakṣyatvāttadupalakṣitapūrvottarakālau saṃdhiśabdena vivakṣitau | ataeva
vyavasthāvidhāyakaṃ śāstrāntaraṃ-pakṣāntā upavastavyāḥ pakṣādayo
yaṣṭavyā iti | atra yadyapi pakṣāntaśabdena parva pakṣādiśabdena
pratipadeva śabdaśaktyā pratīyate, tathāpi parvaṇo'ntyamaṃśatrayamanvādhānāṅgaṃ, parvaṇaścaturthāṃśaḥ pratipadaścādyāstrayoṃśā etadanyatarāvacchinnaḥ prātaḥkālo yāgāṅgam -trīnaṃśānaupavastasya yāgasya
caturo viduḥ | dvāvaṃśāvutsṛjedantyau yāge ca vratakarmaṇi | iti
laugākṣisamaraṇāt, -parvaṇo yaścaturthāṃśa ādyāḥ pratipadastrayaḥ
yāgakālaḥ sa vijñeyaḥ prāharukto manīṣibhiḥ | iti vacanācca, -na
yaṣṭavyaṃ caturthaiśe yāgaiḥ pratipadaḥ kvacit | rakṣāṃsi tadvilumpanti
dūṣayantyāśvalāyanāḥ | iti śāstrāntarācca | tatra yadā parvapratipadau
pūrṇatithī tadā na saṃdehaḥ | - pūrvedyuragniṃ gṛhṇātyuttaramaharyajeṃtīti
pūrvadinakarttavyānvādhānasya uttaradinakarttavyayāgasya ca yathocitoktakālalābhāt | parvaṇaḥ khaṇḍatve tu nirṇayaprakāramāha laugākṣiḥ-pūrvāhne vātha madhyāhne yadi parva samāpyate | upoṣya tatra
pūrvedyustadaharyāga iṣyate | aparāhne'thavā rātrau yadi parva samāpyate | upoṣya tasminnahani śvobhūte yāga iṣyate | iti, tatra dvedhāvibhaktasya dinasya pūrvārdhe pūrvāhṇaḥ | aparārdhamaparāhnaḥ | tadīyasaṃdhibhūto muhūrto madhyāhna āvartanāparaparyāyaḥ | -āvartanastu pūrvāhṇo
hyaparāhnastataḥ paraḥ | iti smṛteḥ | yadahaḥ purastāccandramāḥ pūrṇa