Smritikaustubha 6.1.7
Smṛtikaustubha 6.1.7
- Language
- Sanskrit
6.1.7
sumanoharaḥ | āghreyaḥ sarvadevānāṃ dhūpo'yaṃ pratigṛhyatām | yatpuruṣaṃ vyadadhuriti dhūpaṃ | tvaṃ jyotiḥ sarvadevānāṃ tejastvaṃ tejasāṃ
param | ātmajyotirnamastubhyaṃ dīpo'yaṃ pratigṛhyatām | brāhmaṇosyeti dīpam | nānāgandhasamāyuktaṃ bhakṣyabhojyaṃ caturvidham
naivedyārthaṃ mayā dattaṃ gṛhāṇa parameśvara | candramāmanasa iti naivedyam | rambhāphalāni divyāni tathaivāmraphalāni ca | pūjitosi
suraśreṣṭha gṛhyatāṃ kaṃsasūdana | phalam | tāmbūlaṃ ca sakarpūraṃ pūgīphalasamanvitam | mukhavāsakaraṃ ramyaṃ prītidaṃ pratigṛhyatām
tāmbūlaṃ | sauvarṇaṃ rājataṃ tāmraṃ nānāratnasamanvitam | karmasāṅguṇyasiddhyarthaṃ dakṣiṇāṃ pratigṛhyatām | dakṣiṇāṃ | tataḥ | namaste
devadeveśa namaste dharaṇīdhara | namaste viśvarūpāya namaste puruṣottama | nābhyā āsīditi namaskāraḥ | lokātmansarvabhūtātmannimiṣatruṭisaṃbhava | janmamṛtyujarāvyādhisaṃsārabhayanāśana | samāsyāsanni his pradakṣiṇā | yajñenayajñamityādi idaṃviṣṇurityādibhiśca vaidikamantraiḥ puṣpāñjaliḥ | evaṃ pūjā prakartavyā rātrau jāgaraṇaṃ tathā | gītavāditrasaṃyuktaṃ purāṇaśravaṇaṃ tathā | pratiyāmaṃ vidhāyaivaṃ pūjāṃ devasya cakriṇaḥ
Linked texts (4)
- Saṃvatsaradīdhiti — Anantadeva 1650, Sanskrit
- Dharmasindhu — Kāśīnātha Upādhyāya 1790, Sanskrit
- Dharmasindhusāra — Śivānanda Gosvāmin 1766, Sanskrit
- Abdadīdhiti — Anantadeva 1645, Sanskrit