Smritikaustubha 6.16.p1.33

6.16.p1.33

idaṃ yaḥ śa‍ṛṇuyādbhaktyā yaścāpi pratipādayet | vratamākhyānasahitaṃ sopi pāpaiḥ pramucyate 53 sāntānikaṃ vratamidaṃ sukhasaukhyakāmā yā strī cariṣyati śivaṃ hṛdaye nidhāya | saṃhṛtya duḥkhamatulaṃ gatakalmaṣaughā sā strī vratāṅgavati śobhanajīvavatsā | iti
śrībhaviṣyottarapurāṇe kṛṣṇalomaśasaṃvāde amuktābharaṇavratakathā
athāṣṭamyāṃ dūrvāṣṭamīvrataṃ madanaratne bhaviṣye-viṣṇuruvāca
brahmanbhādrapade māsi śuklāṣṭamyāmupoṣitaḥ | pūjayecchaṃkaraṃ bhaktyā
yo naraḥ śraddhayānvitaḥ | sa yāti paramaṃ sthānaṃ yatra devastrilocanaḥ
gaṇeśaṃ pūjayedyastu dūrvayā sahitaṃ mune | phalānāṃ sakalaurdivyairgandhapuṣpairvilepanaiḥ | gaṇeśaḥ sadāśivaḥ | phalānāṃ sakalaiḥ sakalaiḥ
phalairityarthaḥ | grāhyadūrvāgataviśeṣa ādityapurāṇe-dūrvāpratānamuccetamuttarāśābhigāminam | pūjayedgṛhmānīya gandhapuṣpānulepanaiḥ
iti | uccetaṃ uccasthānagatam | tatraiva-dūrvāṅkurasthāṃ saṃpūjya vidhinā yauvanaśriyam | yauvanaṃ sthiramāpnoti yatra yatrābhijāyate
iti | yauvanāvasthadūrvāṅkuragatāṃ śobhāmityarthaḥ | dūrvāṃ pūjya tatheśānaṃ mucyate sarvapātakaiḥ | śucau deśe prajātāyāṃ dūrvāyāṃ brāhmaṇottamaḥ | sthāpya liṅgaṃ tato gandhaiḥ puṣpadhūpaiḥ samarccayet | kharjūrairnārikelaiśca mātuliṅgaphalaistathā | pūjayecchaṃkaraṃ bhaktyā dūrvayā vidhivadvija | dadhyakṣatairdvijaśreṣṭha arghyaṃ dadyāttrilocane | dūrvāṣṭamībhyāṃ
saṃpūjya mānavaḥ śraddhayānvitaḥ | vidyāṃ prāpnoti vidyārthī putrārthī
putramāpnuyāt | dhanārthī dhanamāpnoti bhāryārthī labhate ca tām