Smritikaustubha 9.6.1

9.6.1

uktavidhayā naktavratatvātpratipadvadrātrivyāpinyoreva grāhyatvātte dve
api tithī sarvasminnapi kārye pūrvaviddhe eva grāhye iti prāptaṃ,
tathāpi gaurīvrate karmakālavyāptimanādṛtya dvitīyāśeṣasaṃyuktāṃ tāṃ
parityajya caturthīdine sūryodayānantaraṃ svalpāpi vidyamānā
grāhyetyuktaṃ, tatheyaṃ mahāṣaṣṭhī saptamīśeṣasaṃyuktāpi tyājyā | udyānantaraṃ navamīdine svalpāpi vidyamānā upavāsapūjābalidāneṣu
divā rātrau kartavyeṣu sarvatra grāhyā |—navamīsaṃyutā kāryā
sadā durgāṣṭamī budhaiḥ | saptamīsaṃyutā hanti pūrvapuṇyakṛtaṃ phalam
iti devīpurāṇāt | sadā rātrāvasattve'pītyarthaḥ |—navamyā saha
saṃyuktāmaṣṭamīṃ kārayedbudhaḥ | durgādevī tathā pūjyā pūrvaviddhāṃ na
kārayet | iti skānde niṣedhācca | nacānena paribhāṣoktarītyā
trimuhūrtayoga eva niṣedho natu saptamyāḥ svalpayoge iti vācyam
saptamīsvalpasaṃbandhā varjanīyā sadāṣṭamī | stokāpi sā tithiḥ
puṇyā yasyāṃ sūryodadyo bhavet | mūlenāpi hi saṃyuktā sadā tyājyāṣṭamī budhaiḥ | leśamātreṇa saptamyā api syādyadi dūṣitā
aṣṭamyāmudite sūrye dinānte navamī bhavet | kujavāro bhavettatra
pūjanīyā prayatnataḥ | iti vacanebhyaḥ, śuklapakṣe'ṣṭamī caivetyādisāmānyapravṛttanigamokteśca | yadā tu prathamadine'ṣṭamīviddhā navamī
kṣayavaśātparasūryodayottaraṃ nānuvartate tadā saptamīviddhaivāṣṭamī tatkāryai svīkāryā | yathoktaṃ smṛtisaṃgrahe-yadā sūryodaye na syānnavamī cāpare'hani | tadāṣṭamīṃ prakurvīta saptamīsahitāṃ nṛpa | iti
īdṛśaviṣayatvenaiva-ahaṃ bhadrā ca bhadrā ca nāvayorantaraṃ kvacit