Smritimuktaphala 1.20-2

1.20-2

kṛṣṇaikādaśyāṃ gṛhasthasya odanavyatiriktapitṛśeṣabhojane'pyadoṣaḥ | tasya śuklaukādaśyāmeva
nityopavāsavidhānāt | kṛṣṇaikādaśyāmupavāsaniṣedhena bhakṣyavidhānācca | brahmāṇḍapurāṇe tu—
“ kartā nopavasecchrāddhe pitrye'pyekādaśīvrate | tayorapyadhikaṃ brūyuḥ pitṛśeṣaṃ maharṣayaḥ ” || iti
kartṛgrahaṇāt jñātīnāmāghrāṇameva
“ kartṛbhyo'nyairna bhoktavyaṃ śrāddhe prāpte harerdine | pitṛśeṣaṃ tamāghrāya upavāsaphalāptaye ” || iti 10
bhokturapi doṣo nāstītyuktaṃ tatraiva—
“ pātrābhāve dvijaḥ śrāddhe bhuñjīyāddharivāsare | nopavāsavrataghnaṃ tanno cettacchrāddhahā bhavet
“ paradine tu kartavyā pāraṇā dvādaśīdine | upavāsaphalaṃ samyak prāpnoti vratabhāṅ naraḥ
“ekādaśyāṃ na bhuṃjīta kadācidapi mānavaḥ | svayaṃ prārthya na bhuṅkte cet prārthito'nyairna doṣabhāk”||iti
kāmyaikādaśīvratānuṣṭhānakramaḥ | ayamiha kāmyavratānuṣṭhānakramaḥ | prathamaṃ daśamyāmeka- 15
bhuktaṃ kṛtvā daṃtadhāvanaṃ kuryāt | “ daśamyāmekabhuktṛ bhūtvā khādayeddaṃtadhāvanam ” iti smaraṇāt
daśamyāṃ rātrau niyama ukto brahmavaivarte—
“ prāpte haridine samyak vidhāya niyamaṃ niśi | daśamyāmupavāsasya prakuryādvaiṣṇavaṃ vratam ”
nāradīye—
“ akṣāralavaṇāḥ sarve haviṣyānnaniṣevaṇāḥ | avanītalpaśayanāḥ priyāsaṃgavivarjitāḥ ” || iti