Smritimuktaphala 1.30-2.p1.3

1.30-2.p1.3

atra kṛṣṇapakṣa iti viśeṣāt pūrvaviddhāvacanasya śuklapakṣaviṣayatvaṃ pariśiṣyate
anantavratam | yattu bhādrapadaśuklacaturdaśyāmaṃnatavratamuktaṃ bhaviṣyottare-tatra 'daive
hyaudayikī grāhyā " iti vacanena yugmaśāstrādibhiścodayavyāpinī grāhyā | tanna tithyaṃtaravatatrimuhūrtavyāptirmukhyaḥ kalpaḥ | dvimuhūrtavyāptiranukalpaḥ | yattu" madhyānhe bhojyavelāyāṃ samuttīrya sarittaṭe | dadarśa līlāṃ sā strīṇāṃ samūhaṃ raktavāsasām
“ caturdaśyāmarcayaṃtaṃ bhaktyā devaṃ janārdanam ” || iti tattu arthavādatvānna svātaṃtryeṇa
kasyacidarthasya prāpakaṃ na cātra madhyāhnaḥ karmāṃgakālo vihitaḥ | sati pramāṇāṃtare tasyopodvalakamarthavādavākyaṃ bhavati | na cātra pramāṇāṃtaramastīti kālanirṇaye nirūpitam | kṛṣṇacaturdaśī tu
pūrvayuktaiva grāhyā | tathā cāpastaṃbaḥ" kṛṣṇapakṣe'ṣṭamī caiva kṛṣṇapakṣe caturdaśī | pūrvaviddhā tu kartavyā paraviddhā na kasyacit”|| iti
te ca skāṃde paṭhyante- "parātparataraṃ nāsti śivarātriḥ parātparā
" na pūjayaṃti bhaktyeśaṃ rudraṃ tribhuvaneśvaram | jaṃturjanmasahasreṇa bhramate nātra saṃśayaḥ
" varṣe varṣe mahādevi naro nārī pativratā | śivarātrau mahādevaṃ kāmaṃ bhaktyā prapūjayet
" māghakṛṣṇacaturdaśyāṃ yaḥ śivaṃ saṃśitavrataḥ | mumukṣuḥ pūjayennityaṃ sa labhetepsitaṃ padam " || iti
5 kāmyatvaṃ ca phalaśravaṇādavagaṃtavyam | tacca skāṃde paṭhyate" śivaṃ ca pūjayitvā yo jāgarti ca caturdaśīm | mātuḥ payodhararasaṃ na pibetsa kadācana
" sarvānbhuktvā mahābhogānsa mṛto na prajāyate" || iti