Smrititattva 1.p1.54

1.p1.54

prabhāte navamīdine| yathā mama tathā kāryyo bhagavatyā mahotsavaḥ|| brāhmaṇān bhojayedbhaktyā tebhyo dadyācca dakṣiṇām
suvarṇaṃ kāñcanaṃ gāśca vāsāṃsi kusumāni ca|| yadyadiṣṭatamaṃ
loke kṛṣṇo me prīyatāmiti| yaṃ devaṃ devakī devī vasudevādajījanat || bhaumasya brahmaṇo guptyai tasmai brahmātmane namaḥ
subrahma vāsudevāya gobrāhmaṇahitāya ca|| śāntirastu śivañcāstu ityuktvā tān visarjayet| evaṃ yaḥ kurute devyā devakyāḥ
sumahotsavam|| varṣe varṣe bhagavato madbhakto dharmanandana!| naro
vā yadi vā nārī yathoktaṃ phalamāpnuyāt| putrasantānamārogyaṃ dhanadhānyarddhi madgṛham" || tathā "samparkeṇāpi yaḥ
kuryyāt kaścijjanmāṣṭamīvratam| viṣṇulokasavāpnoti so'pi
nāstyatra saṃśayaḥ || jayantyāmupavāsaśca mahāpātakanāśanaḥ
sarvaiḥ kāryyo mahābhaktyā pūjanīyaśca keśavaḥ || tuṣṭyarthaṃ devakīsūnorjayantīsaṃjñakaṃ vratam| karttavyaṃ vittaśāyena bhaktyā
bhaktajanairiha || akurvvan nirayaṃ yāti yāvadindrāścaturdaśa"
mapi śasyate”| atra pūjopavāsayoḥ pradhānatvenākāṅkṣāvirahādananvaye anyatarasya guṇatvamavaśyaṃ vācyam evañca pūjaivāṅgam upavāsastu pradhānaṃ upavāsasya niyamamityupakrame śravaṇāttatraiva vidhyanvayāt| aṅgasya pradhānavidhividheyatvena pūjāyā
vidhyantarānapekṣaṇāt ataevopasaṃhāre'pi jayantyāmityādinā
upavāsamabhidhāya pūjanīyaścetyabhihitam| na caivaṃ pūjane
phalānupapattiḥ “yasya parṇamayījuhūrbhavati na sa pāpaślokaṃ
śṛṇoti” ityādau guṇe'pi phalaśravaṇāt| ataeva brahmavaivarttaḥ