Pramāṇa · Search · About · API

Smrititattva 2.p1

Smṛtitattva 2.p1

Language
Sanskrit

2.p1.1

"ubhābhyāmapi hastābhyāmāhṛtya pariveṣayet” | pāṇibhyāmapi pātrāntaritaṃ kṛtvā deyam | "hastadattāśca ye snehā lavaṇaṃ
vyañjanāni ca | dātāraṃ nopatiṣṭhante bhoktā bhuṅkte ca
kilbiṣam || tasmādantaritaṃ deyaṃ parṇenātha tṛṇena vā | pradadyānna tu hastena nāyasena kadācana" || iti vaśiṣṭhena sāmānyato vidhānāt pitṛbhaktitaraṅgiṇyāmapyevam | vṛhaspatiḥ
“yadye kaṃ bhojayet śrāddhe svalpatvāt prakṛtasya ca | stokaṃ
stokaṃ samuddhṛtya tebhyohyannaṃ nivedayet” || prakṛtaṃ śrāddhocitaṃ
dravyaṃ stokaṃ stokaṃ pātre samuddhṛtya ekasminneva pitrādibhyo
vibhajyānnaṃ nivedayet saṃkalpayedityarthaḥ
vṛṣakṛṣābhūjātenaiva vaidhakarmācaraṇaṃ tathā ca harivaṃśe śakraṃ
prati surabhivākyam | “karṣakān puṅgavairvāṅkṣairmedhyena haviṣāsurān | śriyaṃ śakrat pravṛttena tarpayiṣyāmahe vayam” || atra
puṅgavairityupādānāt tena ca strau gabauvāhanasyāvaidhatvena tajjātadravyasyāvaidhatvaṃ pratīyate | śrāddhīyapātraniṣedhe paiṭhīnasiḥ
"saumakāyasapāṣāṇapātrāṇi hīnapātrāṇi bhagnapātrāṇi ceti”
hārītaḥ | "hīnapātrantu tat proktaṃ nyūnamaṣṭāṅgulāttu yat”
smṛtisārasāgare smṛtiḥ | “nārikelajalaṃ kāṃsye tāmrapātre
sthitaṃ madhu | gavyañca tāmrapātrasthaṃ madyatulyaṃ ghṛtaṃ vinā
tāmrapātradhṛtaṃ māṃsaṃ yacca gavyaṃ ghṛtetarat | āmiṣantu gavāṃ
māṃsaṃ dadhimadyaṃ payorajaḥ || dravyāntarayutaṃ māṃsaṃ payasā saṃyutaṃ
dadhi | payo'nuddhṛtasārañca tāmrapātre na duṣyati” || etat
parārddhānusārācchāradātilakoktam | "tataśca saṃskṛte vahnau

2.p1.2

gokṣīreṇa caruṃ pacet | astreṇa kṣālite pātre nave tāmramayādike” || astreṇa astramantreṇa | vṛddhaśātātapaḥ | pātre
tu mṛṇmaye yastu śrāddhe bhojayate pitṝn | sa vai dātā purodhāśca
bhoktā ca narakaṃ vrajet || guṇāṃśca sūpaśākādyān payodadhi
ghṛtaṃ madhu | vinyaset prayata: samyak bhūmāveva samāhitaḥ”
bhūmau na tu pātrāntaropari tattat pātrāṇi | mārkaṇḍeyapurāṇam| “abhakṣyaṃ yat svarūpeṇa niṣiddhaṃ snātakeṣu ca
varjanīyaṃ prayatnena taddravyaṃ śrāddhakarmaṇi”|| viṣṇuḥ| “kumbhāṇḍālāvūvārttākī grāmyamāhiṣadūgdhakam| pālaṅkīṃ rājikāṃ
śrāddhe dviḥsvinnañca vivarjayet”|| dviḥ svinnañca tadeva yat sūpakāra śāstroktāpekṣitapākaniṣyattyanantaraṃ śaityādinivṛttaye
punaḥ pākāntaramuktaṃ natvarddhapākānantaratacchāstroktasaṃskārarūpapākāntarasiddhaṃ vyañjanādi atītāryaktanirdeśāt ataeva
bhṛṣṭānantaraṃ gur̤ādipakvāṃ modakādikaṃ śiṣṭairdīyate bhujyate ca
anyathā dviḥ saṃskṛtasya tasya bhojyatvaṃ na syāt “paryyuṣitaṃ punaḥ
siddhamabhojyamanyatra hiraṇyodakasparśāt” iti sumantūkteḥ śātātapo'pi| “gokule kanduśālāyāṃ tailyantrekṣuyantrayoḥ| amīmāṃsyāni śaucāni strīṣu bālātureṣu ca”|| bālo'tra pañcavarṣābhyantaravayaskaḥ amīmāṃsyāni śaucāśaucābhāgitayā na vicāraṇīyānīti bhavadevabhaṭṭaratnākarādayaḥ| ataeva kūrmapurāṇam
“kandupakvāni tailena pāyasaṃ dadhi śaktavaḥ| dvijairetāni
bhojyāni śūdragehakṛtānyapi”|| kandupakvaṃ jalopasekaṃ vinā
kevalapātre yat vahninā pakvaṃ bhṛṣṭataṇḍulādi| yamo'pi
“apūpāśca karambhāśca dhānā vaṭakaśaktavaḥ| śākaṃ māṃsamapūpañca

2.p1.3

sūpaṃ kṛṣarameva ca|| yavāguṃ pāyasañcaiva yaccānyat snehasambhavam
sarvaṃ paryyuṣitaṃ bhakṣyaṃ sūktañca parivarjayet”|| ghṛtapakvāpakvatayā
pūpāpūpadvaividhyaṃ sūktaṃ yanmadhuraṃ kālavaśādamlatāṃ gatamiti
prāyaścittavivekaḥ| karambho dadhiśaktavaḥ| manuḥ “dadhibhakṣyañca
sūkteṣu sarvvañca dadhisaṃbhavam”| bhakṣyamiti śeṣaḥ
devalaḥ| “ye cātra viśvadevārthaṃ viprāḥ pūrvaṃ nimantritāḥ
prāṅmukhānyāsanānyeṣāṃ dvidūrbhopahitāni ca|| dakṣiṇāmukhayuktāni pitṝṇāmāsanāni ca| dakṣiṇāgraiśca darbhāṇi prokṣitāni tilodakaiḥ|| brahmapurāṇe| “pṛthak pṛthak cāsaneṣu
tilatailena dīpakāḥ| avicchinnāstathā deyāste tu rakṣanti
vai dvijān”|| āsaneṣu tatsannidhāneṣu avicchinnā śrāddhakālāvadhisthāyinaḥ| viṣṇupurāṇe piṇḍānupakramya “pūjayitvā
dvijāgryāṇāṃ dadyādācamanaṃ tataḥ| paitrebhyaḥ prathamaṃ bhaktyā
tanmanasko narādhipa | susvadhetyāśiṣā yuktāṃ dadyācchaktyā ca
dakṣiṇām | dvijāgragrāṇāṃ viśvedevādi patnatraya śrāddhabhoktṛṇām”|| pitṛbhyaḥ prathamaṃ bhaktyā teṣāṃ brāhmaṇānāṃ madhye pitṛbrāhmaṇebhyaḥ prathamam ācamanaṃ dakṣiṇāñca dadyāt tataśca dakṣiṇāyā daivāditvābhāvaḥ pratīyate| na ca mātāmahāpekṣayā
pitṛkarmmamātra eva prāthamyasya prāguktattvādanuvādāpatteḥ su svadheti
śākhyantaroyam idānīntanīyā dakṣiṇāpi śākhyantaroyā
yajuḥ sāmavidostu nyubjottānānantaram | tathā ca kātyāyanagobhilau| “uttānaṃ pātraṃ kṛtvā yathāśakti dakṣiṇāṃ dadyāt”
iti | matsyapurāṇe | “dattvā piṇḍān pitṛbhyastu rajataṃ

2.p1.4

dakṣiṇāṃ dadyāt | svastautyukte dvijaistaistu surān hemnā prītarpayet vājevāje iti japan kuśāyreṇa visarjayet | ratiśaktiḥ
striyaḥ kāntā bhojyaṃ bhojanaśaktitā || dānaśaktiḥ savibhavārūpamārogya sampadaḥ | śrāddhapuṣpamidaṃ proktaṃ phalaṃ brahmasamāgamaḥ”
puṣpa tatkatpaṃ phalaṃ tadvat mahat
bṛhaspatiḥ | “vandibhyaścaivamarthibhyo'pyannārthibhyo'nnamarthitaḥ
yadi tatra na dadyācca viphalaṃ śaktito bhavet”|| vandino vīryyastotāraḥ | arthitaḥ san yadi ebhyo'nnaṃ śaktito na dadyāt tadā śrāddhaṃ
niṣphalaṃ bhavedityarthaḥ | tatra śrāddhottarakāle āśīrgrahaṇañca “tataḥ
svadhāvācanikaṃ viśvedeveṣu codakam | dattvāśiṣaḥ pragṛhṇīyāt
dvijebhyaḥ prāṅmukhaḥ pṛthak” iti matsyapurāṇavacanasya “dakṣiṇāṃ
diśamākāṃkṣan yācetemān varān pitṝn” iti manuvacanasya
ca sāmañjasyādupavītī prāṅmukho dakṣiṇāṃ diśaṃ manasā paśyan
kuryyāditi vācaspati miśrāḥ tanna “piṇḍapitṛyajñavadupacāraḥ
pitre” iti gobhilasūtreṇa vaiśvadeva karmmātirikta dakṣiṇāsukhatvapratīteḥ | dakṣiṇāṃ diśamākāṃkṣanniti manuvacanasya tathārthatve pramāṇābhāvācca | ataeva dakṣiṇāṃ diśamākāṃkṣan vīkṣyamāṇa iti ṭīkākārairvyākhyātam | manunā ca ākāṃkṣannityanantaraṃ “dātāro no'bhivarddhantām annañcaivetyudīrayan | abhyudīrayan” ityeva paṭhitaṃ na tu “aghorāḥ pitaraḥ santu” iti
matsyapurāṇavacane'pi akṣayyodakadānāntaraṃ dattveti na
paṭhitaṃ kintu “tataḥ svadhā vācanikaṃ viśvedeveṣu codakam”
ityanantaraṃ datvāśīrityarddhaṃ paṭhitvā “aghorāḥ pitaraḥ santu
santvityuktāḥ punarddijairgotraṃ tathā varddhatāṃ nastathetyuktāḥ sa taiḥ

2.p1.5

punaḥ| dātāro no'bhivarddhantāmannañcevetyudīrayet” iti paṭhitaṃ
tataśca śākhiviśeṣe etādṛśakrama karmmaṇi prāṅmukhatvaṃ na tu
gobhilādyuktakarmmaṇi ataeva pitṛdayitādāvāśīḥprārthane
prāṅmukhatvaṃ nābhihitam
kuśāgreṇa visarjanamāha matsyapurāṇaṃ “vāje vāje iti
japan kuśāgreṇa visarjayet” | tatra śrāddhottarakāle devalaḥ
“nirvṛtte pitṛmedhetu dīpaṃ pracchādya pāṇinā | ācamya pāṇī
prakṣālya jñātīn śeṣeṇa bhojayet || tato jñātiṣu bhukteṣu svān
bhṛtyānapi bhojayet| paścāt svayañca patnī ca śrāddhaśeṣamudāharet”
nirvṛtte vāmadevyagānānte pracchādyācchādyeti pārijātagaṇḍeśvarau | na tu nirvāpaṇam| dīrpanirvāpaṇāt puṃsaḥ kūṣmāṇḍachedanāt striyāḥ| acireṇaiva kālena vaṃśanāśo bhavet
dhruvam”|| iti navyavarddhamānadhṛtāt | “dīrpanirvāpako'ndhaḥ
syāt” iti vacanācca | udāharet abhyavaharet | eṣa ca
rāgaprāptatvānna vidhiḥ kintu śrāddhāṅgatvena niyamavidhiḥ | tathā
ca śrāddhaśeṣamupakramyāpastambaḥ | “sarvvasmāt grāsāvarārddhamaśnīyāt” iti grāsāvarārddhaṃ grāsa eva avarārddhaṃ nikṛṣṭa koṭiryasya
tattathā| aniyamatve sarvvasmāditi śrāddhaśeṣaviśeṣaṇaṃ vyarthaṃ
syāt | vyaktaṃ śivarahasye | “śrāddhaṃ kṛtvā tu yaḥ śeṣaṃ nānnamaśnāti mandadhīḥ| lobhānmohādbhayādvāpi tasya rtāddhaphalaṃ
bhavet”|| lobhāddravyāntarasyeti śeṣaḥ | atra lobhādityabhidhānāt vaidhopavāsā dau na niyamaḥ | evañca “yatkiñcit pacyate
gehe bhakṣyaṃ bhojyamathāpivā | anivedya na bhuñjīta piṇḍamūle
kathañcana” || iti śaṅkhoktaṃ na śeṣetarabhojanavyāvarttakaṃ kintu

2.p1.6

yatkiñcit iti śrāddhārthatvena viśeṣaṇīyam anyathā śrāddhapratiṣiddha dravyāṇāṃ bhakṣyatvaṃ na syāt tena śrāddhārthapakvaṃ tatra adattvā
na bhoktavyamiti tasyārthaḥ
śātātapaḥ| śrāddhaṃ kṛtvā paraśrāddhe bhuñjate ye ca jihmagāḥ
patanti narake ghore luptapiṇḍodakakriyāḥ”|| jihvalā lolupāḥ
viṣṇupurāṇam | “varjyāni kurvvatā śrāddhaṃ kopo'dhvagamanaṃ
tvarā | bhokturanyatra rājendra ! trayametanna śasyate” || rājamārttaṇḍe | “punarbhojanamadhvānaṃ dyūtādhyayana maithunam | dānaṃ
pratigrahaṃ sandhyāṃ śrāddhaṃ kṛtvāṣṭa varjayet” || navyavarddhamānadhṛtā
smṛtiḥ | “punarbhojana madhvānaṃ dyūtādhyayanamaithunam | dānaṃ
sandhyāṃ punaḥ snānaṃ śrāddhaṃ kṛtvāṣṭa varjayet” | adhvānamadhvagamanaṃ
krośāt paraṃ na kāryyam | “adhvagamanamākrośapūraṇam” iti
hārītavacanāt | maithunam ṛtukālīnamapi tathā ca śrāddhānantaraṃ śaṅkhalikhitau | ṛtusnātāṃ tadahorātraṃ pariharet”
iti | dānaṃ yācitānnādyatiriktaparam | vandiṣyanteti
prāguktatvāt
jyotiṣe “tulārāśigate bhānau amāvāsyāṃ narādhipa !
snātvā devān pitṝn bhaktyā saṃpūjyātha praṇamya ca || kṛtvā tu
pārvvaṇaśrāddhaṃ dadhicauragur̤ādibhiḥ | tato'parāhnasamaye ghoṣayennagare nṛpaḥ || lakṣmoḥ sampūjyatāṃ lokā ulkābhiścāpi
vekṣyatām” || darśadvaidhe pradoṣavyāptyā nirṇayaḥ | “tulāsaṃsthe
sahastrāṃśau pradoṣe bhūtadarśayoḥ | ulkāhastā narāḥ kuryuḥ pitṝṇāṃ
mārgadarśanam” || iti jyotiṣāt | ubhayataḥ pradoṣaprāptau
paradina eva yugmāt | “daṇḍaiko rajanoyogo darśasya syāt
pare'hani | tadā vihāya pūrvedyuḥ pare'hni sukharātrikā”

2.p1.7

iti jyotirvvacanācca | ubhayatra pradoṣaprāptāvapi ulkādānaṃ
paradine pūrvoktapārvvaṇānurodhāt | “bhūtāhe ye prakurvvanti ulkāgrahamacetasaḥ | nirāśāḥ pitaro yānti śāpaṃ dattvā sudāruṇam” | iti jyotirvvacanācca | atraiva lakṣmoḥ pūrvāhne rātrau
pūjyā “amāvāsyā yadā rātrau divābhāge caturdaśī | pūjanīyā
tadā lakṣmīrvijñeyā sukharātrikā” || iti jyotirvvacanāt
ulkāgrahaṇādi pitṛkṛtyatvāt prācīnāvotinā dakṣiṇāmukhena
karttavyam | tathā ca manuḥ “prācīnāvotinā samyagapasavyamatandriṇā pitryamānidhanāt kāryyaṃ vidhivaddarbhapāṇinā” | iti
tatra grahaṇamantraḥ | “śastrāśastrahatānāñca bhūtānāṃ bhūtadarśayoḥ
ujjvala jyotiṣā dehaṃ daheya vyomavarṅginā” || dānamantraśca
“agnidagdhāśca ye jīvā ye'pyadagdhāḥ kule mama | ujjvalajyotiṣā dagdhāste yāntu paramāṃ gatim”|| iti visarjanamantraḥ
“yamalokaṃ parityajya āgatā ye mahālaye | ujjvalajyotiṣā
vartma prapaśyanto vrajantu te” || iti brahmapurāṇam | “amāvāsyāṃ
yadā devāḥ kārttike māsi keśavāt | abhayaṃ prāpya suptāśca
kṣīrodārṇavasānuṣu || lakṣmordaityabhayānmuktā sukhaṃ suptāmbujodare | caturyugasahasrānte brahmā svapiti paṅkaje || ato'tra
vidhivat kāryyā manuṣyaiḥ sukhasuptikā | divā tatra na bhoktavyamṛte bālāturāñjanāt || pradoṣasamaye lakṣmīṃ pūjayitvā yathākramam | dīpavṛkṣāstathā kāryā bhaktyā devagṛheṣvapi || catuṣpathaśmaśāneṣu nadīparvatasānuṣu | vṛkṣamūleṣu goṣṭheṣu catvareṣu
gṛheṣu ca | vastraiḥ puṣpaiḥ śobhitavyāḥ krayavikrayabhūmayaḥ

2.p1.8

dīpamālāparikṣipte pradoṣe tadanantaram | brāhmaṇān bhojayitvādau vibhajya ca bubhukṣitān || alaṅkṛtena bhoktavyaṃ navavastropaśobhinā | snigdhairmugdhairvidagdhaiśca bāndhavairbhṛtakaiḥ saha”
atra lakṣmīpūjāyāṃ puṣpadānakāle | “namaste sarvadevānāṃ
varadāsi hari priye | yā gatistvat prapannānāṃ sā me bhūyāt
tvadarccanāt” || lakṣmyai nama ityanena vāratrayaṃ pūjayet | “sukharātrāṃ pradoṣe tu kuveraṃ pūjayanti ye | iti rudradharadhṛtāt
kuberamapi pūjayanti | dhanadāya namastubhyaṃ nidhipadmādhipāya ca” || bhavantu tvat prasādānme dhanadhānyādisampadaḥ
iti paṭhitvā kuverāya nama iti triḥ pūjayet | tato devagṛhādiṣu dīpān dadyāt | tatra mantraḥ | “agnijyotīravijyotiścandrajyotistathaiva ca | uttamaḥ sarvajyotīnāṃ dīpo'yaṃ
pratigṛhyatām” || tato brāhmaṇān bandhūṃśca bhojayitvā svayaṃ
bhuktvā sukhaṃ suptvā pratyūṣe bhaviṣyoktaṃ karma kuryyāt | yathā
“sukharātre ruṣaḥ kāle pradīpojjvalitālaye | bandhurvandhūnavandyaiśca vācā kuśalayārcayet || pradīpāvandanaṃ kāryaṃ lakṣmīmaṅgalahetave | gorocanākṣatañcaiva dadyādaṅgeṣu sarvataḥ” || lakṣmīpūjāmantraḥ | "viśvarūpasya bhāryyāsi padme padmālaye śubhe
mahālakṣmi ! namastubhyaṃ sukharātriṃ kuruṣva me || varṣākāle mahāghore yanmayā duṣkṛtaṃ kṛtam | sukharātriprabhāte'dya tanme lakṣmorvyapohatu || yā rātriḥ sarvabhūtānāṃ yā ca deveṣvavasthitā
saṃvatsarapriyā yā ca sā mamāstu sumaṅgalā || mātā tvaṃ sarvabhūtānāṃ devānāṃ sṛṣṭisambhavā | ākhyātā bhūtale devi ! sukharātri namo'stu te” || lakṣmyai nama iti triḥ pūjayet

2.p1.9

atha arddhodayayogaḥ | sa ca ravivāravyatīpātaśravaṇanakṣatreryuktā cet pauṣamāghayoramāvāsyā syāttadā bhavati | yathā
pāścātyanirṇayāmṛte | "amākaṃpātāśravaṇairyuktā cet pauṣamāghayoḥ | arddhodayaḥ sa vijñeyaḥ koṭisūryyagrahaiḥ samaḥ” || atra
sūryyaparvvaśatādhika iti kṛtyacintāmaṇau pāṭhaḥ | tathā “divaiva
yogaḥ śasto'yaṃ na tu rātrau kadācana” | skandapurāṇe | "arddhodaye tu saṃprāpte sarvaṃ gaṅgāsamaṃ jalam | śuddhātmāno dvijāḥ sarve
bhaveyurbrahmasaṃmitāḥ | yatkiñcit kriyate dānaṃ taddānaṃ setusaṃnibham” | viṣṇuśivasnānapraśastakālo'pi vṛddhanāradīyam
"arddhodaye ca puṣyārke hastārke rohiṇībudhe” iti
atha yugādyāḥ | tāsu ca “yugādyā varṣavṛddhiśca saptamī
pārvvatīpriyā | raverudayamīkṣante na tatra tithiyugmatā”
ityanena vyavasthā | brahmapurāṇe | “vaiśākhe śuklapakṣe tu
tṛtīyāyāṃ kṛtaṃ yugam | kārttike śuklapakṣe tu tretā'tha navame'hani || atha bhādrapade kṛṣṇa trayodaśyāntu dvāparam | māghe
ca paurṇamāsyāṃ vai ghoraṃ kaliyugaṃ smṛtam | yugārambhāstu
tithayo yugādyāstena viśrutāḥ” || atra vaiśākhādayaḥ
paurṇamāsyantā eva | brahmapurāṇe | tathaiva tithikṛtyābhidhānāt | mukhyavācitve kārttike navame'hanītyanenaiva siddhau

2.p1.10

śuklapakṣa iti vyarthaṃ syāt tena bhādrakṛṣṇatrayodaśī aśvayuk kṛṣṇapakṣīyaiti maithiloktaṃ nirastam | āsāṃ praśaṃsāmāha viṣṇupurāṇaṃ “vaiśākhamāsasya tu yā tṛtīyā navamyasau kārttikaśuklapakṣe | nabhasya māsasya tamisrapakṣe trayodaśī pañcadaśī ca māghe || etā yugādyāḥ kathitāḥ purāṇairanantapuṇyāstithayastataḥ| upaplave candramaso raveñca triṣvaṣṭakāsvapyayanadvaye ca” || upaplave grahaṇe “pānīyamapyatra tilairvimiśraṃ dadyāt pitṛbhyaḥ prayato manuṣyaḥ| śrāddhaṃ kṛtaṃ tena
samāḥ sahasraṃ rahasyametat pitaro vadanti” || snānamadhikṛtya
bhaviṣye | “saṃvatsaraphalaṃ tatra navamyāṃ kārttike tathā| manvādau
ca yugādau ca māsatrayaphalaṃ labhet” || viruddhaṃ guruvākyasya
yadatra bhāṣitaṃ mayā| tatkṣantavyaṃ budhaireva smṛtitattvavubhutsayā” || smṛtitattve pramādād yadviruddhaṃ bahubhāṣitam| guṇaleśānurāgeṇa tacchodhyaṃ dharmmadaśibhiḥ
iti vandyaghaṭīya śrīhariharabhaṭṭācāryyātmaja-śrīraghunandana-

Linked texts (14)